Dili – Loron 14-8-2021 iha Parokia Maria Auxiliadora Comoro Dili, misa Ordenasaun Saserdotál ba diákonu nain-tolu: diákonu Antonio, diákonu Celestino no diákonu Victor, tempu hanesan selebra mós festa Assunsaun Maria nian no Selebrasaun ne’e prezide husi Arsebispu de Don Virgilio do Carmo da Silva SDB, bispu Dili nian.

Iha Amu Bispu nia omilia haktuir katak Maromak hasa’e Maria ba Lalehan ho isin no klamar, tuir matenek nain sira dehan Maria la mate maibé nia toba de’it ka liafuan seluk dehan dormisaun Maria nian katak Maria toba de’it maibé toba ne’ebé klean hafoin liga mós ho diákonu sira nia lema ne’ebé dehan “Ba sira Ha’u konsagra  Ha’u –An” (Jo. 17,19), katak loos duni imi konsagra ona imi nia-an ba Na’i, ba Ninia povu nia salvasaun no imi sai ona Ninian ba nafatin liu husi imi nia saran-an nu’udar nailulik Kristu nian.

Selebrasaun furak tan monu los iha festa Maria nian katak iha inan ida ne’ebé la’o hamutuk ho sira iha sira nia misaun atu bele fó fuan Wain no di’ak, liu husi sira nia fó an tomak hodi serbi Na’i nia povu nu’udar Krsitu Bibi Atan di’ak nia saseluk iha Kreda no iha mundu tuir Carizma Don Bosco nian, nune’e serbi mós labarik no foin-sa’e sira ne’ebé ohin loron presiza sira nia tulun tan situasaun oi-oin. Maske mundu ho nia situasaun la’o ba oin maibé Maromak kontinua fihir no bolu ema atu halo serbisu iha Nia To’os. Nune’e, ohin Nia bolu mós Nailulik foun nain-tolu ne’e, atu kolabora ho Nia hodi serbisu iha Nia Kreda hamutuk ho nailulik sira seluk.

PARABÉNS!

(Fmatin)