MISA AGRADESIMENTO TINAN 25 ME. MARIA BRĺGIDA DE SOUSA FMA

Comoro, 7 de Agosto de 2021, ami nia komunidade hamutuk ho familia, selebra tinan 25, vida relijiosa nian. Misa hahu tuku 04:30, ne’ebe prezide husi Pe. Mario de Sousa SDB, no iha misa ne’e partisipa husi Irmã FMA husi komunidade rua iha Comoro, Irmã SSPS, Pe. Paróko, Pe. João Roque SDB, Frater sira no mos familia husi Ir. Maria Brígida nian. iha Homilia Padre, Hateten katak: Tinan ida ne’ebe osan mean, tinan ida ne’ebe produtivo, tinan ida ne’ebe importante iha Madre nain 5 nia moris iha dalan ida ne’e. Iha artigo 9 (ita tama iha aliansa domin nian): Ho profisaun reliiosa, hasa’e an total rasik nia ba Aman. Ita tama iha aliansa domin nian ne’ebe, Maromak halo ho Don Bosco no Me. Mazzarello, no hala’o iha ita nia kongregasaun nia fielidade. No institutu husi ninia parte simu ita ho komunidade fraternal ida mos halo ita partisipa iha nia moris tomak.

Iha perguntas oi oin ne’ebé ita husu iha ita nia moris, perguntas ne’ebe importante teb-tebes mak: (Saida mak halo ema ida ne’e, hili dalan ida ne’e?, Saida mak halo ema ida ne’e, fo nia an atu serviso iha rai misaun?, Saida mak vokasaun?, Saida mak vida relijiosa?), iha artigo 9, ohin fo nia resposta mai ita, profisaun ne’e, hasa’e an total, an rasik nia ba Aman. Hasa’e an ida ne’e, laos sorin-sorin de’it, maibe tomak (integral), ba Aman Maromak.

Iha artigo 8, fo mai ita base fundamental, atu ita sira ne’e komprende dalan ida ne’ebé ema hili. Iha ita nia moris, ita nia vokasaun, Filhas de Maria Auxiliadora nian, nu’udar resposta ba Aman ne’ebe iha Kristu, konsagra ita, halibur ita, ne’ebe haruka ita.

Tan ne’e, vokasaun mak, “BOLU IDA”. Se mak bolu? Aman mak bolu, Maromak mak bolu. Bolu ida ne’ebé, Me. Brigida hatan tinan 25 liu ba, agora mak ita sai sasin daudaun ne’e. Madre ho idade ne’ebe nurak, naton, buka atu hatan ba Aman ida ne’ebé bolu. Se husu karik, saida mak vokasaun ba vida relijiosa? Ne’e bolu ida, hatan ida, hatan hotu tiha, Nia fo mai ita misaun ida. Buat tolu ne’e lao hamutuk.

Aman Maromak ne’ebé konsagra ita, hahu kedas iha ita nia Inan nia knotak, liu liu bainhra ita simu Sakramentu Batismo nia mak bolu, ita rona nia lian no ita hakarak atu hatan no wainhira hatan nia fo mai ita misaun ida.

Misaun ida ne’e Me. Brígida, hatan no hala’o ona ba iha tinan 25 nia laran. Iha momento ida ne’e, ita hamutuk hasa’e ita nia agradese ba Maromak. Maromak ida ne’ebe bolu, Maromak ida ne’ebe mos fo mai ita misaun ida. Me. Brígida, uluk hetan ida ne’e  dehan katak, hetan influencia husi ema seluk, maibé iha tinan 25 nia laran ne’e mos influencia ema wain(barak) no sai sasin ba ema seluk nia moris.

Leitura dahuluk : Lia husi livro Ecleciastico

Mensajem ne’ebé importante iha leitura dahuluk mk, VIRTUDE HUMILDADE (haraik an) nian.  Maromak nia bolu atu ita haraik an, buat ida ne’ebé sai base(fundasaun) ba dalan ida ne’e mak: virtude haraik an. Se laiha virtude haraik an, dalan ida ne’e laos mai ita.

No ema matek nain sira dehan hanesan ne’e, buat ida ne’ebé haraik an (humidade/humilde) ne’e mai husi lia fuan original UMUS katak, rai metan/rai bokur. Virtude sira selu-seluk  sei la moris se la iha humildade. Virtude sira hotu-hotu sei moris/boot se iha virtude haraik an. Buat ida, haraik an ne’e importante teb tebes.

Wainhira ita halo tuir de’it ( obidensia) ita sei la hlo sala, (said: Me. Mira.)

Humildade ne,e importante teb tbes. Buat sira ne’ebé di’ak husi ita ne’e ita simu, maibé laos sai hanesan, razaun atu gaba an, karik ita hatene buat ruma, fo obrigado ba Maromak no lao nafatin, laos uja ida ne’e hodi hatun ema seluk.

Leitura daruak: São Paulo nia I carta ba sarani sira iha Tesalónica.

Fiar iha Maromak.

Vida relijiosa ne’e, sei la akontese/la fo fuan hanesan hakerek iha Kontituisaun Madre sira nia, se la iha humildade, Vokasaun ne’e sei la akontese se liha fiar. Ema balun husu: Tansa tuir dalan ida ne’e?, Tansa o obedese?, Tansa o moris iha dalan hanesan ne’e?, Tamba ha’u fiar iha Maromak, laos tamba buat sira seluk. Buat furak ne’ebe ko’alia iha introdusaun dehan: Maromak mak akompanha Me. Brígida iha tinan 25 ida ne’e. Buat ne’ebe importante iha ita nia historia vokasaun ita nia, pontu importante mak ne’e: Maromak mak bolu, Nia mak bolu no nia ida ne’ebe bolu ne’e Fiel (setia).

Evanjellu tuir São Lucas:

Ko’alia kona ba Jesus nia sermaun iha Foho.

Sermaun ne’e laos prespectivo, maibé discritivo. Prespectivo katak, sermaun laos sai hanesan persepsaun ida ba o se o hala’o ida ne’e, o sai ha’u nia disciplulo ida, lae. Maibe sermaun ida ne’e discritivo, katak sa? Katak, sira ne’ebe tuir ha’u ne’e sira nia moris ne’e mak tuir dalan ida ne’e. Dalan ne’e mak saida? Ohin temi iha Evanjellu.

Depois de misa kontinua kedas ho serimoria konfraternizasaun.

Iha serimonia 25 anos ida ne’e, hatudu mai ami Madre nia fidelidade, no nia Domin boot ba Maromak. Liu husi serimonia ida ne’e, dezafia ami Irmã no menina sira atu sai fiel mos ba Maromak Nia bolu liu husi ami ida-idak nia knar. No mos halo ami nia relasaun sai metin liu tan nu’udar bin alin iha.

Husi: Menina Cinzania Margareta (Com. DP).