Dili – Retiru anuál no fulan-fulan mak oportunidade di’ak atu renova, rona Maromak no avalia moris espirituál hodi purifika an lor-loron ho Maromak nia lia-fuan. Pregadór ba retiru husi loron 28 Jullu to’o 4 Agostu mak Pe. João Gaspar SDB.

Tema durante konferénsia nian mak:

• Vokasaun
• Evanjelizasaun
• Sai no hotu ona ho an rasik
• Krize
• Maria
• Maromak fiél ba nia promesa

Vokasaun hahu ho Apóstolu sira. Jezús ho nia matenek bolu ema atu kolabora ho Nia liu husi maneira oi-oin, balun mai rasik hasoru Jezús, balun liu husi ema seluk, balun deskobre mesak no balun Jezús mak bolu rasik, sira ne’ebé Jezús bolu, Nia  forma no tulun sira atu bele deskobre Ninia domin no Nia promete lao hamutuk nafatin to’o mundu nia rohan.

Evangelizasaun mak lori no introdus  Jezús ba ema seluk, molok ita kaklaken Kristu ba ema seluk Jezús iha neba ona ita ba atu hafanu de’it, maibé ita presiza iha atitude no sasin los nian ba ema seluk liu-liu ita nia sensu sira liu husi ita nia liman , matan, ibun, tilun no hanoin tan ne’e ida ne’ebé halo komunikasaun no transmite  mensagen hirak ne’e mak ita nia sensu sira no kridade fraterna.

votus sira sai hanesan fini no comuñaun ida iha komunidade, buka atu hakiak fuan no klamar ida de’it, iha lia-fuan sira fasil maibé atu pratika presiza sakrifika an.

Atu Sai ema foun presiza husik hela mentalidade no esperensia tuan, Jezús saran  Nia moris ba ita, nune’e Ita mós sai husi ita nia moris tuan ba moris foun no husik buat hotu atu tuir de’it Kristu. la iha tan buat seluk ne’ebé manan ita se laos Kristu nia domin.

Maromak hili Maria atu lori naroman ba povu Israel tanba Maria mak figura  simples ida ne’ebé Maromak uza atu transaforma ema nia moris, Maria hakoi hotu nia hakarak  no ninia planu sira hodi kontinua kumpri Maromak nia hakarak  no fo nia fuan tomak ba Maromak. Dom Bosco nia karisma muda mundu no foin-sa’e sira barak, sira ne’ebé moris a’at sai moris di’ak, sira ne’ebé la hatene Jezús no Maria sira bele hatene, obras hirak ne’e sai di’ak la’ós tamba ita nia forsa mak obras ne’e furak maibé ita dehan Maria mak halo buat hotu no ita sei la lao sala dalan tamba iha Maria ne’ebé gia ita no nia mak sai fundador prinsipal ba kongregasaun.

(Ermelinda-Teresa FMA)