Dili – Husi loron 11-15 Jullu 2021:  Hamutuk ho Madre Esmeralda, ne’ebé akompaña ami, hodi hakle’an votu obediénsia. Votu obediénsia Iha nia signifikadu fundamental no teolojíka mak Kristu nia obediénsia ba Aman Maromak. Votu obediénsia mak maneira ida ne’ebé vizivel  ba mundu, atu moris tuir iha Kreda  nu’udar ita obedese ba Kristu. Uluk nanain Kristu nia obediénsia ba Aman sai nu’udar nia aihan atu halo tuir Aman nia hakarak, hafoin Apostolo sira obediénsia mak obediénsia fiar nian ba Maromak nia liafuan no lialoos. No obediénsia komunidade sarani nian, ita obedese uluk ba Kristu hafoin obedese ba Nia no ba Aman liu husi ninia kreda. Nune’e mós iha dokumentus Kreda nian Perfectae caritatis dehan: hodi halo votu obediénsia Relijioza oferese sira nia hakarak hotu ba Maromak. Obediénsia tuir ita nia Konstituisaun  mak aktu domin nian ne’ebé disponivel, laran metin, abandona, laran manas da Mihi Animas ne’ebé Dom Bosco konsidera  obediénsia nu’udar ‘’Ai-riin ‘’ ba ita nia moris tanba iha ligasaun ho ita nia misaun apostólika ho modelu Kristu Bibi-Atan Di’ak no moris komunidade nian, ne’ebé ho nia elementu sira:

• Espíritu fiar nian
• Fuan haksolok no haraik-an,
• Ho sentidu hola parte no koresponsbilidade.
• Hau ba ‘’vado io’’ atu halo sakrifísiu boot ho vontade rasik.
• Hateke ba Maria nia ‘’Fiat’’.
• Espíritu família
• Diskresaun no laran diak
• Ho fuan tomak no ksolok.

Loke an ba EspÍritu Santu no atensaun ba Maromak mak atetude rua ne’ebé bele haburas liu-husi: rona, loke-an ba diálogu sinseru, hatene fó valór no apresia.

Nune’e ho formasaun kona ba votu obediénsia, tulun ami atu sai fiél no obediente liu tan ba Kristu iha ami nia moris loron-loron nian liu-husi mediadora sira ne’ebé gia ami iha komunidade hamutuk ho Irmán sira iha misaun ne’ebé ami hala’o hamutuk; ho ksolok, responsabilidade, domin, disponivel, no espíritu sakrifísiu nian hodi harii moris komuñaun fraterna. Loron ikus nian, ami halo laboratorio kona-ba votu obediénsia iha artigu sira konstituisaun nian hodi hametin ami nia koñesimentu no hariku liu tan ami nia-an ho votu nia sentidu no valór.

(Irmán perpetuande sira)