Provinsiál FMA TIN vizita komunidade Laura Vicuña Laga

“EDUKA BA ESPERANSA” 

Laga – Loron 12 fulan jullu 2021, Me. Alma Castagna, FMA (provinsiál) halo vizita breve ba loron rua, katak to’o loron 14 Jullu, iha komunidade Beata Laura Vicuña, Laga. Objetivu mak atu hasoru Irmán sira hodi rona no haree realidade moris komunidade nian. Iha kalan Madre fó bonoite ba Irmán sira kona-ba katekeze Papa Francisco nian ho tema: “EDUKA BA ESPERANSA”.

Irmán sira reflete no fahe iha loron tuir mai. Maioria pontu sira ne’ebé Irmán sira subliña makaas mak :

• Iha ne’ebé Maromak kuda ó, iha ne’ebá mak ó espera bá!
• Hadomi ema ida-idak no respeita ema hotu nia dalan, loos ka kleuk, tanba ema ida-idak iha nia istória atu haktuir.
• Fiar no esperansa la’o hamutuk.

Husi pontu importante hirak nee no ho Madre nia liafuan ikus depoizde sharing mak “Buka iha aten-barani lia-loos nian nafatin no halo dalan iha moris loro-loron nian”. Madre enkoraja ami atu enfrenta situasaun reál ne’ebé ami hasoru hamutuk ho labarik  orfán sira no fanun ami nia laran-manas ba orasaun, misaun no hametin uniaun fraterna iha komunidade.

Nune’e ho fuan oan nian, ami agradese wain ba Madre Alma nia prezensa iha ami nia komunidade.

(Komunidade Laura Vicuña-Laga)