Vizita kanónika iha komunidade Maria Auxiliadora Venilale

Venilale – Ohin mak loron espesiál mai ami Irmán no formande sira tanba madre Alma mai vizita ami hanesan inan domin no tulun nain ne’ebé hakbesik ba nia oan sira atu rona ami ida-idak, maske vizita ne’e ba loron ruma deit maibé nakonu ho grasa,bensaun, ksolok, domin no mós sai momentu ida renovasaun nian iha ami ida idak nia moris liuliu iha tempu pandemia covid-19 ida ne’e.

Ami hotu hein ho pasiénsia maibé la lakon esperansa ba madre nia hiit mai. Pandemia COVID-19 nian ida-ne’e, halo ita hotu aprende hahalok pasiénsia no esperansa no ida-ne’e mak hahalok Na’i-Feto nian.

Nune’e ami komunidade tomak ho fuan hanesan oan nian, hananu knananuk ida ne’ebé espresa ami-nia hakaran tomak ba madre nia vizita badak iha ami nia komunidade.

Benvinda fila fali iha ami leet madre doben!

(Cesarina Marques Correia FMA)