AGRADESE BA MORIS FRATERNA

Festa agradesimentu KomS.José-Novisiadu

Dili – Iha loron 26 Juñu mak loron furak ba Komunidade São José-Noviciado Komoro-Dili. Basá iha loron ne’e sira selebra Festa Agradesimentu Komunidade nian ho tema “Agradese ba moris Fraterna”.  Moris hamutuk iha tinan tomak nia laran mak oportunidade presiozu iha ema nia moris, ne’ebe ho tempo nia lao halo ema deskobre liu tan Maromak nia servisu iha ema ida-idak. Soi duni atu agradese Maromak no agradese malu ba riku soin hirak ne’e.

Iha Selebrasaun Eukaristia ne’ebe prezide husi Pe. Jojo, SDB. Padre Kapelano ba Komunidade nian. Iha homilia ne’ebe furak, Padre dehan: “Fraternidade dehan katak grupo ida ne’ebe moris hamutuk ho interese similar/ hanesan no moris nu’udar belun hodi suporta malu. Moris hamutuk iha interese ida deit atu esperiensia Maromak. Maromak ne’ebe imi esperiensia hodi fakar fali ba ema seluk. Domin ho karidade importante tebes vida fraterna. Ba grupo relizioja Nai Maromak mak sentru, basá Reino Maromak nian mak goma ne’ebe halo metin membru sira nia fuan. Metin katak iha koneksaun ne’ebe diak atu kombina malu no halo hahalok ne’ebe integral ba buat ne’ebe imi hakarak hetan nia interese iha komindade nia diak. Ema ne’ebe tuir Kristu iha domin ba Maromak no ba maluk sira iha komunidade. Misterio iha komunidade fraternidade mak membru sira diferente, mai husi familia la hanesan, iha diferente iha personalidade personal. Maibe bele moris hamutuk tamba domin no grasa Maromak nian. Tamba ne’e ita soi duni atu agradese ba Maromak ne’ebe halibur imi maski iha diferensia. Ita mos presiza agradese malu ba diak hotu ne’ebe ita halo balu durante tinan ida”.

Iha Buona note husi Me. Esmeralda, diretora komunidade nian. Madre dehan: “Maromak Nia domin ne’ebe akompanha ita ida-idak, ne’ebe halo ita fo no simu. Maromak nia domin transforma ita iha ita nia moris hamutuk. Domin ne’e halo ita hatene fo simu Maromak nia diak ne’ebe haraik mai ita liu husi Irmán maluk sira. Hateke ba Maromak nia domin ne’ebe ita esperiensia halo ita sente atu agradese malu. Maromak nia grasa wain ne’ebe halibur ita enjoy ho ita nia moris hamutuk, dala ruma iha inkomprensaun, maibe ita bele lao hamutuk. Kontaktu ho Maromak atu moris sai diak liu tan. Hau agradese buat hotu ne’ebe halo ita hare domin liu husi ida-idak nia prezensa, sakrifisiu, ksolok, laran diak no diak hotu ne’ebe ita fahe ba malu. Maromak hare buat hirak ne’e, Nia rekompensa tuir saida mak ita oferse ona. Wainhira ita fo ita sei simu. Se la simu ohin loron ida ita simu fali. Obrigada wain ba fo no simu ne’e ita fahe durante ne’e”.

Festa lao ho furak tamba irmán ida-idak hakarak fo nia ‘best’ atu agradese Maromak no agradese malu. Ami husu nafatin Maromak nia grasa no bensaun atu moris diak liu tan iha tinan sira tuir mai.

(Noémia de Deus, FMA)