Katekeze 38 – Jezús nia orasaun paskál mai ita

PAPA FRANCISCO NIA KATEKEZE – 16 Juñu 2021

 

Maun no biin-alin sira, bondia!

 

Ita hanoin dalabarak iha katekeze nia série sira katak orasaun mak karakterístika evidente liu Jezús nia moris: Jezús harohan, no harohan barak. Durante ninia misaun, Jezús tama iha orasaun laran, basá diálogu ho Aman mak núkleu nalakan ba ninia ezisténsia tomak.

Evanjellu sira fó sasin katak Jezús nia orasaun sai maka’s liután no maka’as liután iha oras paixaun no mate nian. Eventu tutun nia moris nian sai núkleu sentrál pregasaun kristán: oras ikus sira ne’ebé Jezús moris iha Jerusalém mak  Evanjellu ninia sentru la’ós de’it tanba Evanjelista sira dedika espasu boot ba narrasaun ida-ne’e ho modu proporsionál, maibé mós tanba eventu nia mate no moris-hi’as – hanesan rai-lakan – leno Jezús nia moris tomak. Nia la’ós filantropo ida ne’ebé tau matan ba sofrimentu umanu no ema nia moras sira: Nia liu ida-ne’e. Iha Nia la iha mak laran di’ak de’it: iha buat ruma liu ne’e, iha salvasaun, no la’ós salvasaun epizódika – ida be salva ha’u husi morsa ida eh momentu ida dezánimu nian – maibé salvasaun totál, mesiánika, ne’ebé fó esperansa iha vitória definitiva moris nian hasoru mate.

Ne’e duni, iha loron sira ninia Páskua ikus nian itsa hetan Jezús tam totalmente iha orasaun laran.

Nia harohan ho forma dramátika iha To’os Jetzémani nian – hanesan ita rona – nakonu ho laran-taridu mate nian. Maski nune’e, iha momentu ne’e duni, nia dirije ba Aman hodi bolu nia “Abbà”, Papá (kf Mc 14,36). Liafuan aramaiku ne’e– Jezús nia lian – esprime intimidade, esprime konfiansa. Iha momentu ne’ebé nia sente nakukun mahar falun nian, Jezús hakat liu ho liafuan ki’ik-oan: Abbà, Papá.

Jezús harohan mós iha krús, ho Maromak nia silénsiu nakukun nian ne’ebé falun Nia. Maski nune’e husi nia ibun mai dala ida tan liafuan “Aman”. Ne’e mak orasaun manas liu, tanba iha krús Jezús sai intersesór absolutu: Nia harohan ba ema seluk, harohan ba hotu, ba sira ne’ebé kondena Nia mós, lahó ema ida, maibé ahu-na’in ida de’it mak hamutuk no nia. Hotu-hotu kontra Nia eh indiferente, ahu-na’in ne’e de’it mak rekoñese nia kbiit. «Aman, perdua sira tanba sira la hatene saida mak sira halo» (Lc 23,34). Iha drama nia laran, iha terus boot klamar nio isin nian, Jezús harohan ho liafuan sira salmu nian; ho ema-kiak sira mundu nian, liuliu ho sira ne’ebé ema hotu haluha, nia hasai lifuan tr’ajiku sira salmu 22 nian: «Ha’u Maromak, Ha’u Maromak, tansa iha husik Ha’u?» (v. 2): Nia sente abandonu no Nia harohan. Iha krús realiza Aman nia don ne’ebé oferese domin, katak kumre ita-nia salvasaun. No mós, dala ida, nia bolu: Ha’u Maromak”, “Aman, iha Ita liman Ha’u saran ha’u espíritu”: katak, buat hotu mak orasaun, iha oras tolu nia laran iha Krús.

Ne’e duni, Jezús harohan iha oras desiziva paixaun no mate nian. No ho moris-hi’as Aman rona nia orasaun. Jezús nia orasaun intensa, Jezús nia orasaun únika no sai mós modelu ita-nia orasaun nian. Jezús harohan ba ema hotu, harohan mai ha’u mós, ba imi ida-idak. Ita ida-idak bele dehan: “Jezús, iha krús harohan mai ha’u”. Nia harohan. Jezús bele dehan mai ita ida-idak: “Ha’u harohan ba ó, iha Han-Kalan Ikus no iha ai Krús” Iha ita-nia sofrimentu nia terus boot liu mós, ita nunka mesak, Jezús nia orasaun ho ita. “No agora, Padre, iha-ne’e, ami ne’ebé rona daudaun buat ne’e, Jezús harohan mai ami?”. Loos, Nia kontinua harohan basá Nia liafuan tulun ita la’o bá oin. Maibé ita tenke harohan no hanoin katak Nia harohan mai ita.

No ida-ne’e parese aspetu furak liu atu hanoin. Ida-ne’e mak katekeze ikus siklu ne’e nian kona-ba orasaun: hanoin grasa katak ita la harohan de’it, maibé katak, bele dehan, Nia “harohan mai ita: ita simu akollimentu iha Jezús nia diálogu ho Aman, iha komuñaun Espíritu Santu nian. Jezús harohan mai ha’u: ita ida-idak bele tau ida-ne’e iha fuan: labele haluha ida-ne’e. Iha momentu difisil liu mós. Ita simu akollimentu iha diálogu ho Jezús ho Aman iha komuñaun Espíritu Santu nian. Ita hetan domin iha Jezús Kristu, no mós iha oras paixaun, mate no moris-hi’as buat hotu oferese mai ita. Nune’e, ho orasaun no ho moris, buat ne’ebé hela mak korajen, esperansa no ho korajen no esperansa ne’e sente forte iha Jezús nia orasaun no la’o bá oin: atu ita-nia moris fó glória ba Maromak iha konxiénsia ktak Nia harohan mai ha’u ba Aman, katak Jezús harohan mai ha’u