FESTA AGRADESIMENTU

Jakarta (Indonesia) – Maski iha pandemia maibé komunidade organiza atu selebra festa agradesimentu tinan ida ne’e iha maneira simples maibé nakonu ho ksolok no domin atu agradese Maromak ba grasa hotu simu iha tinan ida ne’e no agradese ba malu ba ita nia moris hamutuk iha komunidade no iha misaun.

Festa hahú hodi reza ba malu lor-loron inklui ita nia benfeitores sira, foin-sa’e no kolaboras sira no puncak mak iha loron 13 fulan Juñu.

Tan la bele selebra hamutuk ho ita nia kolaboradores no no benfeitores iha komunidade nune’e halo orasaun agradesimentu nian via zoom, tersu hamutuk no kumprimenta malu iha loron 12 kalan. Agradese tebes tan sira ne’ebé simu konvite sira partisipa iha orasaun agradesimentu nian ho ksolok.

No iha dia 13 Misa selebra husi Pe Peter, SDB iha homilia nia fahe nia reflesaun kona ba festa agradesimentu nian liga bat ema; Los ita tenki agradese ba Maromak no agradese malu tan fini ne’ebé soe atu bele buras no fó mahon no fó ksolok ba ema seluk, presiza ema atu tau matan no halo buras. Aleinde Maromak ne’ebé tau matan ba fini misterius iha mos ema sira ne’ebé akompana ita maki ta nia benfeitores no ita nia madre maluk sira.

Iha meiudia fahe ksolok fraternidade iha meja ho aihan ne’ebé ida-idak prepara.

Kalan kontinua  haksolok hamutuk ho simples, fini ida-idak hato’o nia  lia fuan agradesimentu nian ba malu. Balun aidila, balun aihun, balun aifunan rosas, gira sole trigu nst…

Sr. Alexandrina mos agradese ba Irma ida-idak nia kontribusaun atu halo festa agradesimentu nian. Liu-liu  agradese  tan durante tempu pandemia oin sa ita tulun malu atu moris ba buat ne’ebé essensial no halo solidariedade ho maluk sira seluk. Nu’udar presente mak Livru Tata Perayaan Ekaristia 2020 nian edisaun foun ne’ebé fulan Maio liu ba mak iha KWI halo Sosialisaun no husu atu sarani tomak hahú fulan Maio bele uza TPE 2020 no livru Fratelli Tutti iha lian bahasa Indonesia.   Sr. Alex mos agradese ba fini ida-idak nia kontribuisaun atu halo buras  komunidade nune’e  halo komunidade sai sinal esperansa kiik ida ba ita nia maun alin sira ne’ebé haleu ita. Mai ita ita haka’as-an  atu haburas hamutuk  fini ne’e no husik Maromak halo fini ne’e buras liu atu bele fó mahan ba ema seluk. Ho ida ne’e ami remata ami nia festa agradesimentu.

(Alexandrina Pinto FMA)