Fuiloro – Iha sábadu12 Juñu, Menina Kolejiu Maddalena Morano Fuiloro partisipa Mini Worshop husi ekipa Cruz Vermelha Lospalos ne’ebé mai iha Koléjiu hodi fahe formasaun kona ba “Primeiros Socorros” ho ninia Objetivu no Prinsipiu sira ba menina kolejiu sira, atu sira mós bele hatene, nune’e sira bele tulun fila fali maluk sira seluk ne’ebé hetan asidente ruma.

Primeiros Socorros nia significa mak kuidadu dahuluk ne’ebé ita bele fó ba ema ida ne’ebé moras ka kanek molok nia hetan asisténsia médika. Asistente Médika mak tramentu ne’ebé Doutór, Enfermeiru, Parteira, ka Ekipamnetu Ambulánsia fó.

Objetivu husi Primeiros Socorros nian mak:

• Preserva/garante vida ema ruma nian
• Proteje ema ne’ebé lakon sentidu (Inkonxiente)
• Halo prevensaun atu ninia kondisaun labele grave liutan
• Promove rekuperasaun.

Prinsipiu haat (4) husi Primeiru Socorros mak:

• Mantein Kalma/ laran hakmatek
• Maneja Situasaun
• Maneja ema ne;ebe presiza ajuda
• Halo buat hotu tuir pasu ida-idak

Bainhira Ekipa husi Cruz Vermelha ne’e esplika hotu kontinua kedas ho prátika dereita ba estudante sira ho tipu asidente/moras oioin ne’ebé bele mosu.

(Ines Bartolo FMA)