Novena ba Jezús nia futar Fuan Santu
NOVENA “SAGRADO CORAÇÃO DE JESUS”
Knananuk: “Coração Santo” / “Heart of Christ”
LORON 1 – KRISTU JEZÚS NIA FUTAR FUAN SANTU, APÓSTOLU REINU NIAN, SAI BA LI’UR ATU HASORU ITA NO HARAIK MORIS MAI ITA
Jezús nia futar Fuan Santu mak Maromak 
nia domin lahó limite ba umanidade. Nia fuan fekit mai ita – atu fó moris mai ita, purifika ita, no halo ita isin ida de’it. Hanesan fuan ne’ebé simu raan ne’ebé hamamuk ona husi oksjéniu no halo nia dalan liuhusi isin tomak nakonu ho nutriente sira, Jezús Kristu assume ita-nia umanidade, simu ita-nia salan sira no nakfilak ba moris.
Sai apóstolu katak moris iha Kristu nia fuan. Ema ne’ebé hatene Ida ne’ebé fó nia moris atu ita hetan moris nakonu (kf Jo,10) sei iha ninia konviksaun sira, ninia atitude sira, ninia domin. Sira hahú esperimenta mistériu don ida ne’ebé boot tebes: Kristu rasik, no sira sei sai ninia apóstolu sira.
Orasaun
Kristu Jezús, haraik atu ami esperimenta ita-nia domin nia kbiit. Tulun ami atu moris iha ita-nia Futar Fuan Santu, nune’e ami sai ida de’it ho Ita no nakonu ho ita-nia sentimentu sira, ita-nia modu atu haree no halo, ami bele halo ami nia fuan fekit iha armonia ho ita-nian, no Ita bele moris iha ami no liuhusi ami. Ámen.
Jezús nia futar Fuan Santu, haraik mai ha’u fuan apóstolu nian hanesan Ita-nian.
Jezús nia futar Fuan Santu, tulun ha’u moris iha Ita Fuan.
Jezús nia futar Fuan Santu, halo ita-nia Reinu to’o mai ami!
Knananuk: Haraik laran mai ha’u!
LORON 2 – APÓSTOLU NIA FUAN FEKIT IHA RITMU HO PARTE RUA: KONTEMPLATIVA NO EVANJELIZADORA
Knananuk: Coração Santo
Jezús nia futar Fuan fekit mai ita. Nia hadomi ita ba nafatin: no simu ita ho ninia mizerikórdia, haraik mai ita nia An rasik.
Fuan mak múskulu ida ne’ebé fekit non-stop iha ritmu rua, haluan atu simu no hakloot atu haruka. Lahó modelu konstante movimentu rua ne’e nian, ne’ebé kompleta malu, fuan labele serbisu. Ida-ne’e loos mós ho apóstolu nia fuan. Impulsu domin nian ne’ebé dudu nia, fekit ho movimentu rua: kontemplativu no evanjelizadór.
Kontempla la’ós de’it hateke, maibé liuliu simu no aseita; evanjeliza la’ós de’it haklaken, maibé liuliu fó no trazmite. Sai kontemplativa/u katak deskobre no simu Maromak, prezente iha realidade oioin moris nian; sai evanjelizadór/a katak hatene oinsá komunika liuhusi moris. Sai kontemplativu/a no evanjelizadór/a mak atitude ezistensiál sira ne’ebé permite ita tama iha relasaun ho Jezús Kristu, hatene Nia ho modu íntimu, hadomi Nia, partiila moris ho Nia no sai ninia sasin sira.
Orasaun
Kristu Jezús, haraik atu ami esperimenta ita-nia domin nia kbiit. Tulun ami atu moris iha ita-nia Futar Fuan Santu, nune’e ami sai ida de’it ho Ita no nakonu ho ita-nia sentimentu sira, ita-nia modu atu haree no halo, ami bele halo ami nia fuan fekit iha armonia ho ita-nian, no Ita bele moris iha ami no liuhusi ami. Ámen.
Jezús nia futar Fuan Santu, haraik mai ha’u fuan apóstolu nian hanesan Ita-nian.
Jezús nia futar Fuan Santu, tulun ha’u moris iha Ita Fuan.
Jezús nia futar Fuan Santu, halo ita-nia Reinu to’o mai ami!
Knananuk: Deus de Amor
LORON 3 – JEZÚS NIA FUTAR FUAN KANEK TAN ITA SALAN, MAIBÉ HUSI KANEK NE’E NIA RESTAURA ITA
Knananuk: Coração Santo
Jezús nia fuan kanek tanba ita salan. Salan fahe no halo ita moris namkari, fragmentada, iha divizaun. Ita pontu ida ita-nia moris nian ita hotu esperimenta fahe-malu entre Maromak, mundu, no maun eh biin-alin sira. Iha konfrontasaun entre ita-nia fuan nia aspirasaun kle’an ba Maromak no salan ne’ebé babeur no dada tun ita; entre dezeju atu hadomi Kristu no kbiit-laek atu haree Nia iha ita-nia maluk sira ne’ebé halo ita izola an no halo ita fahe an iha moris, no lori ita atu dehan ho S. Paulo: “Ha’u la halo di’ak ne’ebé ha’u hakarak, maibé halo aat ne’ebé ha’u lakohi” (Rm 7,19).
Bainhira órgaun ida isin nian la simu raan ne’ebé fuan bomba, nia sai moras no mate. Salan mak obstákulu ne’ebé bloka grasa ne’ebé mai; maski nune’e husi Kristu nia fuan suli bee no raan, perdaun no moris; bee-matan salvasaun nian ba ema hotu. Moris iha Kristu nia fuan restaura unidade iha ita.
Orasaun
Kristu Jezús, haraik atu ami esperimenta ita-nia domin nia kbiit. Tulun ami atu moris iha ita-nia Futar Fuan Santu, nune’e ami sai ida de’it ho Ita no nakonu ho ita-nia sentimentu sira, ita-nia modu atu haree no halo, ami bele halo ami nia fuan fekit iha armonia ho ita-nian, no Ita bele moris iha ami no liuhusi ami. Ámen.
Jezús nia futar Fuan Santu, haraik mai ha’u fuan apóstolu nian hanesan Ita-nian.
Jezús nia futar Fuan Santu, tulun ha’u moris iha Ita Fuan.
Jezús nia futar Fuan Santu, halo ita-nia Reinu to’o mai ami!
Knananuk: Haraik laran mai ha’u!
LORON 4 – KRISTU NIA FUTAR FUAN APÓSTOLU nian UNIFIKA ITA IHA VOKASAUN IDA NO MISAUN IDA
Knananuk: Coração Santo
Jezús nia futar Fuan unifika umanu no divinu. Liuhusi nia ita bele haree Maromak nia futar Fuan iha ninia ternura, bondade no mizerikórdia. “Husi orizonte infinitu nia domin nian, Maromak hakarak tama iha limitasaun sira istória umana no kondisaun umana nian. Nia hola isin ida no fuan ida. Nune’e, ita bele kontempla no hetan buat ne’ebé rohan-laek iha buat ne’ebé iha rohan. Mistériu ne’ebé labele haree no labele haktuir ho ema nia liafuan sira iha Jezús nia futar Fuan ema nian” (Papa Bento XVI, Angelus 1 Juñu 2008).
Fuan mak órgaun fíziku ida ne’ebé hatán ba sentimentu sira; iha-ne’ebá mak isin integra an ho klamar. Se ita moris iha Kristu Apóstolu nia mistériu – hodi husik Nia moris iha ita no liuhusi ita — buat hotu ne’ebé akontese mai ita integra iha vokasaun no misaun ida, nune’e ita hadomi no hasoru Maromak iha buat hotu no hasoru buat hotu iha Nia.
Orasaun
Kristu Jezús, haraik atu ami esperimenta ita-nia domin nia kbiit. Tulun ami atu moris iha ita-nia Futar Fuan Santu, nune’e ami sai ida de’it ho Ita no nakonu ho ita-nia sentimentu sira, ita-nia modu atu haree no halo, ami bele halo ami nia fuan fekit iha armonia ho ita-nian, no Ita bele moris iha ami no liuhusi ami. Ámen.
Jezús nia futar Fuan Santu, haraik mai ha’u fuan apóstolu nian hanesan Ita-nian.
Jezús nia futar Fuan Santu, tulun ha’u moris iha Ita Fuan.
Jezús nia futar Fuan Santu, halo ita-nia Reinu to’o mai ami!
Knananuk: Ubi Caritas!
LORON 5 – RONA JEZÚS NIA FUTAR FUAN SANTU NIA PALPITASAUN IHA ARMONIA DUDU ITA ATU FEKIT IHA DOMIN HO NIA
Knananuk: Coração Santo
Fuan mak fatin interioridade nian. Silénsiu mak xave ne’ebé loke odamatan vida interiór nian, no permite ita atu rona fuan nia palpitasaun eh fafekit. Iha silénsiu profundu ita sai konxiente kona-ba ita-nia an, deskobre ita-nian no ema seluk nia nesesidade sira, no deskobre ho admirasaun Maromak nia obra iha ita. Silénsiu permite atu ita kontempla. S. João sadere nia ulun iha Mestre nia fuan no rona linguajen furak ninia fuan ne’ebé fekit. Rona Na’i nia futar Fuan nia tuku-tuku eh fafekit fó naroman ba klamar no hamanas fuan sira ne’ebé sai tiha ona malirin. Iha Kristu Apóstolu nia futar Fuan nia plapitasaun sira, ita deskobre prezente Maromak nia domin nian ne’ebé hasuli ho gratuidade mai ita, lori ita atu admira, atu agradese, atu sai laran-luak. Hodi kontempla Jezús nia futar Fuan ne’ebé maus, haraik-an no laran-sadia, konvida ita atu horik ho Nia, abandona ita-nia an iha Nia, husik ita-nia fuan fekit iha domin hamutuk ho Nia, saran an iha entrega totál hanesan Nia. Nia dudu ita atu evanjeliza, atu fó prezente folin boot hotu hodi la hein selu. “Ó simu degrasa; ó sei fó degrasa” (Mt 10,8).
Orasaun
Kristu Jezús, haraik atu ami esperimenta ita-nia domin nia kbiit. Tulun ami atu moris iha ita-nia Futar Fuan Santu, nune’e ami sai ida de’it ho Ita no nakonu ho ita-nia sentimentu sira, ita-nia modu atu haree no halo, ami bele halo ami nia fuan fekit iha armonia ho ita-nian, no Ita bele moris iha ami no liuhusi ami. Ámen.
Jezús nia futar Fuan Santu, haraik mai ha’u fuan apóstolu nian hanesan Ita-nian.
Jezús nia futar Fuan Santu, tulun ha’u moris iha Ita Fuan.
Jezús nia futar Fuan Santu, halo ita-nia Reinu to’o mai ami!
Knananuk: Haraik laran mai ha’u!
LORON 6 – KRISTU APÓSTOLU NIA FUTAR FUAN MAK FUAN NE’EBÉ KONTEMPLATIVU IHA EVANJELIZASAUN
Knananuk: Coração Santo
Fuan la prodús raan, maibé fahe raan ne’ebé nia simu, no se fuan la sai uluk boot atu bele hakonu, nia labele fó buat ida. Nune’e mak apóstolu Reinu nian tenke sai “ida ho uvas-hun” (Jo 15,1-8) atu nia bele ko’alia kona-ba buat ne’ebé nia “haree, rona no sente” (Jo 1,1). Jezús Kristu la haklaken nia An rasik. Nia mak Apósotlu Aman nian, no liuhusi ninia umanidade nia halo atu mistériu domin Maromak Trindade nian ema bele kona. Se ema la hatene Ida-Ne’ebé nia buka tranzmite, nia sei haklaken an rasik. Hodi aprende atu horik ho Nia no iha Nia de’it mak ita bele sai ba li’ur no ko’alia iha Nia Naran.
Hahalok evanjelizasaun ne’ebé loos tenke hala’o iha espíritu kontemplativu. Ita presiza kontempla ema sira hale’u ita no situasaun sira mundu nian ho Kristu nia matan no ho Na’i nia futar Fuan nia sentimentu sira, atu haree buat hotu nu’udar Nia haree, nune’e, deskobre saida mak Nia halo no oinsá Nia hakarak serbisu liuhusi ita.
Orasaun
Kristu Jezús, haraik atu ami esperimenta ita-nia domin nia kbiit. Tulun ami atu moris iha ita-nia Futar Fuan Santu, nune’e ami sai ida de’it ho Ita no nakonu ho ita-nia sentimentu sira, ita-nia modu atu haree no halo, ami bele halo ami nia fuan fekit iha armonia ho ita-nian, no Ita bele moris iha ami no liuhusi ami. Ámen.
Jezús nia futar Fuan Santu, haraik mai ha’u fuan apóstolu nian hanesan Ita-nian.
Jezús nia futar Fuan Santu, tulun ha’u moris iha Ita Fuan.
Jezús nia futar Fuan Santu, halo ita-nia Reinu to’o mai ami!
Knananuk: Deus de Amor
LORON 7 – KRISTU APÓSTOLU NIA FUTAR FUAN EVANJELIZA IHA KONTEMPLASAUN
Knananuk: Coração Santo
Nu’udar fuan tenke fó raan hotu nia simu tanba nia labele rai ba an rasik, apóstolu Reinu nian labele hela iha kontemplasaun de’it, nia tenke foti asaun. Hodi kontempla umanidade ne’ebé salan hakanek, Maromak sai atu hasoru sira hodi assume ninia umanidade rasik no oferese nia moris ba sira. Hodi kontempla ema lubun-boot ne’ebé la iha hahán atu han, Jezús sente kompaixaun no multiplika paun fuan lima no ikan rua to’o buat ne’ebé Nia oferese habosu sira. Kristu Apóstolu nia futar Fuan hateke mai ita, hatene ita, simu ita, no bolu ita nu’udar Bibi-Atan Di’ak Evanjellu nian, la haksolok de’it atu fó nia moris mai ita iha krús, maibé horik ho ita iha Eukaristia, haraik nia Inan mai ita, no haruka Espíritu Santu atu serbisu iha ita nu’udar korrente boot bee moris nian. Ohin mós, Nia haraik ne’e hotu mai ita atu kontinua dere iha ita-nia odamatan: Nia haraik prezente devosaun ba ninia futar Fuan Santu, ba Divina Mizerikórdia.
Ema sira ne’ebé kontempla tebes duni, sira evanjeliza, no se sira la halo ida-ne’e sira para atu sai kontemplativu/a, tanba Moris ne’ebé prezente iha klamar iha agonia laran no la dezenvolve, banhira la espresa nia an nu’udar presente eh don an rasik nian ba ema seluk. Hodi hateke ba Kristu nia futar Fuan ne’ebé sona borus, ema ida-idak bele esperimenta prezente domin gratuitu, no esperiénsia ida-ne’e labele haksumik ka rai ba an rasik. Hanesan S. Paulo, nesesidade atu haklaken tanba “Kristu nia domin mak dudu” mai husi profundidade klamar nian (kf 2Cor 5:14) nune’e mós “Susar mai ha’u se ha’u la haklaken Evanjellu!” (kf 1Cor 9:16).
Orasaun
Kristu Jezús, haraik atu ami esperimenta ita-ni
a domin nia kbiit. Tulun ami atu moris iha ita-nia Futar Fuan Santu, nune’e ami sai ida de’it ho Ita no nakonu ho ita-nia sentimentu sira, ita-nia modu atu haree no halo, ami bele halo ami nia fuan fekit iha armonia ho ita-nian, no Ita bele moris iha ami no liuhusi ami. Ámen.
Jezús nia futar Fuan Santu, haraik mai ha’u fuan apóstolu nian hanesan Ita-nian.
Jezús nia futar Fuan Santu, tulun ha’u moris iha Ita Fuan.
Jezús nia futar Fuan Santu, halo ita-nia Reinu to’o mai ami!
ezús nia futar Fuan Santu, halo ita-nia Reinu to’o mai ami!
Knananuk: Haraik laran mai ha’u!
LORON 8 – MORIS HO FUAN NE’EBE APAIXONADU
Knananuk: Coração Santo
Fuan mak símbolu no fatin domin nian. Jezús nia futar Fuan Santu lakan ho domin ba umanidade, no hadomi ita ho domin ne’ebé nakonu ho paixaun, fiél, boot, kriativu. Fuan domin-na’in ida-ne’e hakarak ita hadomi Nia no husik Nia hadomi liuhusi ita, nune’e, husi Nia ita bele hetan moris loos no realizasaun iha domin.
Atu hadomi ho fuan hanesan Kristu nian signifika sai konxiente kona-ba ita-nia frajilidade ne’ebé ninia mizerikórdia kasu ona. Esperiénsia nu’udar ema fraku maibé moris tanba domin, introdús ita ba sabedoria Páskua nian kona-ba mate atu bele moris no fó moris. Esperiénsia kona-ba deskobre katak Maromak “halo foun buat hotu” (Apóst 21,5) lori ita atu moris ho fuan apaixonadu. Ida-ne’e mak Domin ne’ebé nunka para halo ita sai Samaritanu di’ak ne’ebe sai ba li’ur atu hasoru maluk sira nia nesesidade urjente sira. Kristu nia fidelidade, ninia perdaun konstante, mak halo ita moris nafatin iha serteza kona-ba “ida nee’bé ita tau ita-nia laran-metin” (kf 2 Tim 1,12). Ita sei enfrenta moris ho forsa, hodi tau an tomak iha ita-nia serbisu no oferese ita-nia pobreza no frajilidade rasik, tanba ita-nia laran-metin la’ós iha an rasik maibé iha Nia.
Orasaun
Kristu Jezús, haraik atu ami esperimenta ita-nia domin nia kbiit. Tulun ami atu moris iha ita-nia Futar Fuan Santu, nune’e ami sai ida de’it ho Ita no nakonu ho ita-nia sentimentu sira, ita-nia modu atu haree no halo, ami bele halo ami nia fuan fekit iha armonia ho ita-nian, no Ita bele moris iha ami no liuhusi ami. Ámen.
Jezús nia futar Fuan Santu, haraik mai ha’u fuan apóstolu nian hanesan Ita-nian.
Jezús nia futar Fuan Santu, tulun ha’u moris iha Ita Fuan.
Jezús nia futar Fuan Santu, halo ita-nia Reinu to’o mai ami!
Knananuk: Na’i mak domin
LORON 9 – JEZÚS NIA FUTAR FUAN MAK FUAN NE’EBÉ MORIS
Knananuk: Coração Santo
Kristu moris, hadomi no hala’o serbisu iha ita, liuhusi Ninia Espíritu, atu lori ita ba Aman, Nia moris, hala’o serbisu no hadomi hodi serví ema seluk no mundu. Ita hakarak sai kontemplativu/a no evanjelizadór/a atu nune’e ita bele sai beibeik ema sira iha armonia ho Nia, aseita ninia domin, haree ninia asaun, deskobre ninia roman ki’ik-oan sira iha ita no hale’u ita, deskobre nakukun sira ne’ebé Nia hakarak atu nabilan liután, no empresta iha nia an tomak atu Nia bele hadomi no serbisu liuhusi ita.
Orasaun
Kristu Jezús, haraik atu ami esperimenta ita-nia domin nia kbiit. Tulun ami atu moris iha ita-nia Futar Fuan Santu, nune’e ami sai ida de’it ho Ita no nakonu ho ita-nia sentimentu sira, ita-nia modu atu haree no halo, ami bele halo ami nia fuan fekit iha armonia ho ita-nian, no Ita bele moris iha ami no liuhusi ami. Ámen.
Jezús nia futar Fuan Santu, haraik mai ha’u fuan apóstolu nian hanesan Ita-nian.
Jezús nia futar Fuan Santu, tulun ha’u moris iha Ita Fuan.
Jezús nia futar Fuan Santu, halo ita-nia Reinu to’o mai ami!
Knananuk: Haraik laran mai ha’u!
