Laga – Festa Maria Auxiliadora nian iha komunidade Laura Vicuña, Laga, hahú iha dadeerho kompetisaun knananuk Maria nian nebe halo husi grupu ida idak. Ho sira nia lian nebe furak laos deit kanta nudar kompetisaun ida maibe mos nudar sira nia onra ba Nain Feto tulun nain.

Hafoin misa solene iha tuku 6:00 loraik nebe selebra husi Pe. Rui, SDB. Iha ninia omilia hateten: Maria intervein direta ba harii kongregasaun no tuir DB nia esperiensia Maria mak halo buat hotu no iha ninia moris tomak Maria nafatin hamutuk ho nia. Mai ita familia Salesiana Devosaun ba Maria Auxiliadora indispensavel katak laiha razaun atu la selebra. Maria obedese no fiel ba Maromak nia liafuan no Maria nafatin prezente.

Hanesan iha Kaná Maria hatudu atitude loos inan nian. Nia haree ema nia presiza no dehan ba Jezús atu intervein: “Sira nia tua laiha”; no dehan ba ema atu rona Jezús: “Halo tuir buat nebe Nia haruka”.

Nudar inan nia sei fo solusaun no solusaun nee mak Jesus, maibe tenke obedese ba Nia.

Ba Dn Bosco Maria mak nudar Mestra, Inan no Gia no Dom Bosco mos repete nafatin ba nia oan sira Fiar iha Maria sei haree saida mak Milagre.

Iha oportunidade ida nee mos grupu Auxilium kompostu husi labarik nain 13 halo sira nia promesa nebe sira rasik hili atu bele moris tuir Maria nia atitude.

Depoizde Eukaristia ami kontinua ho prosisaun badak.

Boas Festas Maria Auxiliadora nian ba ita hotu husi ami komunidade Beata Laura Vicuña hamutuk ho labarik sira.

(Ligia Sarmento FMA)