Dili – Iha loron 24 Abril, Irmán Juniores sira Zona Dili nian halao enkontru ho Madre Provincial, iha Komoro-Dili. Irmán sira hamutuk nain Sanulu. Iha enkotru ne’e Madre koalia kona ba Reitor Mor nia estreia 2021 nian “MOVIDOS PELA ESPERANÇA” no hare relasaun esperansa nian iha Sagrada Escritura no Madre Mazzarello nia karta sira.

Iha Reitor Mor nia streia ne’e koalia liu kona ba Proposta no empeñu sira mak hanesan: deskobre fali katak “fiar no esperansa lao hamutuk”. Nia empeñu mak ita banati tuir Dom Bosco no ninia kapacidade boot atu fo entuziasmu ba ninia foin-sa’e sira atu hala’o sira-nia moris nu’udar festa ida no “fiar nu’udar Ksolok”; Aprende katak orasaun mak eskola esperansa nian. Nia empeñu mak ita lao hamutuk ho foin-sa’e sira no ho sira-nia familia hodi harohan, aprende atu reza di’ak liu hodi treina esperansa iha orasaun ne’ebe di’ak ba bebeik; Haburas hodi moris ho sentido “kosar been”/esforsu iha moris loronloron. Nia empeñu mak ita tulun foin-sa’e sira no sira-nia failia no Maromak nia Povu atu deskobre prezente sira ne’ebe Maromak haraik mai ita, hodi la halerik, maibe hodi propoin objetivu sira ne’ebe fo entuziasmu no hasai monotonia no mediokridade; Ita moris esperansa liuliu iha period sira difikuldade no lakon dalan nian. nia empeñu mak ita husik Maromak eduka ita. Ita konfia iha Nia liuliu iha momentu sira nakukunnian. S. Teresa d’Avila, mistika bo’ot, rekoñese katak aridéz mak Maromak nia konvite ida atu <<pasa ba oin>>; Esperansa nu’udar filafali desizivu ba ema kiak no exkluido sira. Nia empeñu mak iha ita nia familia fidelidade ba Na’I ho Dom Bosco ho modu particular liu husi opsaun preferensial ba ema kiak liu, ema abandonadu liu no exkluidu liu; Rekoñese an rasik iha ema seluk nia terus. Niaempeñu mak sai fiel ba Dom Bosco ohin, ita-nia familia Saleziana nia Aman, signifika horik ativamente iha parte ema sira ne’ebé sofre injustisa oinoin; Konverte an ba espreransa katak fiar iha projetu Evanjellu nian. Nia empeñu mak nu’udar familia Saleziana Dom Bosco nian, ita labele la hatudu sé mak razaun ba ita-nia esperansa, Maromak Jesus Kristo nian no Ninia Evanjellu. Empeñu konkretu ida atu assume nu’udar Familia Saleziana. Ita lee no habelar (mesak, iha familia, hodi forma grupo) Papa Francisco nia ensiklika “Fretelli tutti” ne’ebé tau iha buat hotu nia sentru.

Iha Madre Mazzarello nia karta 65:1 nian dehan: “Lembransa mak ida ne’e: moris tuir nafatin Santa Regra ho perfeisaun. Daruak: keta neon-betek tan opozisaun naran deit, simu buat hotu husi Jesus nia futar liman, tau o-nia konfiansa tomak iha Nia no hein buat hotu husi Nia”. Iha karta65:2 “ha’u husu ba ó pureza iha o nia intensaun sira, fuan ne’ebe haraik an iha ó-nia kna’ar hotu. Keta kahur o nia haraik-an ho ó-nia interese rasik. Halo buat hotu atu Jesus bele dehan ba ó: ‘Ha’u nia oan-feto, Ha’u hadomi ó, Ha’u haksolok ho ó-nia hahalok sira”.

Obrigada Barak Madre Provincial, Me. Alma ne’ebe akompaña no fahe ona ba ami hanoin no reflesaun hirak ne’e. Buat sira ne’e tulun tebes ami iha ami-nia ain hakat sira iha dalan vokasaun Saleziana nian. Ami sei haka’as-an atu moris tuir. Ami husu Maromak atu haraik bensaun no tulun wain ba Madre.

(Honoria, FMA)