Balidi (Dili) – Triduum Paskál iha lock down oin seluk liu, maske la iha misa hanesan bain-bain, maibe komunidade nafatin selebra ho selemne loron dahuluk triduum ne’e.

Ami hahu ho selebrasaun fahe paun iha kapela, hafoin mak akompaña misa tuir GMN TV online. No iha kalan iha adorasaun ne’ebe fahe tuir grupu liturjia.

Iha Selebrasaun Eukaristia nian, maske online maibe nafatin solemne, komunidade tomak partesipa ho laran tomak no ho hakmatek, mantein nafatin distansia. Oinseluk, maibe ami foti nafatin parte pozitivu husi selebrasaun ne’e, iha ne’ebe Maromak oan hatudu nia natureza lolos, Maromak ne’ebe domin na’in no serbi.

Obrigada barak ba Mistériu boot, Maromak nia domin boot ne’e.

(Komunidade FMA Balide)