Venilale – Iha tinan 2015 wainhira surat Encíclica Laudato Si, hasai husi Papa Francisco, iha ami nia Diocese hahú tradusaun iha tinan tuir mai nune’e komunidade hahú lee no haklean. Liu tiha tinan rua mai Projeto Design For Change ne’ebé Institutu adapta husi UNO, ami  konxiente maibé  la konsege realiza tuir metodo ida ne’e. Ho tempu hanesan ami hatan ba dezafiu  Casa Umun ne’ebé urgente presiza tau atensaun iha ami dalan kiik sira. Agora tanba Surat nee’ebé Institutu particular Pastoral Juvenil atu follow up ba projeto Ekologia Intregral ami toma konsiénsia no hakas an atu realiza iha ami nia kontextu rasik liuliu iha komunidade Maria Auxiliadora no iha ami nia misaun Orfanato S.Domingos Savio Venilale durante tempu Estadu Emergencia /Serka Sanitariu. Nune’e iha loron 21-22 fulan Marsu ami halo sosializasaun kona ba Metodo Design For Change entre ami FMA, kolaboradores no menina orfanatu hamutuk 109.

Durante sosializasaun fo impacto ba menina sira atu identifika dezafiu sanulu ne’ebé haleu ami nia ambiente, iha ne’ebé walu mak buat ne’ebé ami halo tiha ona loron loron maibé presiza hakas an no sai konstante  nune’e neneik neneik  hola iha ami nia moris. No rua seluk mak atu haketak lixu tuir nia kriteriu, organico no non organico. Organico nu’udar adobu ba future no non organico ami lori ba soe iha lixu komun. No ida halo estogio husi hena uzadu tanba labarik sira fila husi eskola materias eskolares sempre lakon.

No ikus husi sosializasaun  motivasaun atu la soe lixu arbiru menina sira konsiente no sira rasik sai protoganista ba modasaun radikal no sira kompromete an atu sai ema dahuluk atu tau matan ba uma komun. Nune’e bele too iha objetivu desenvolvimentu sustentavel 2030. Ne’e mak ami nia projetu nia naran: Hamutuk ita bele : “Ukun fuan Sanulu Laudato Si”.

(Cesarina Correira fma)