Balide, 22 Marsu 2021, Maromak nia hakarak mak ita nia ksolok. Tan situasaun lock down, nune’e mak orariu Me. Alma nia vizita Kanónika ba tinan ne’e nian mos sai oin seluk oituan. Maske loron vizita nian troka, maibe ami nafatin haksolok atu simu no kolabora ho laran tomak ba orariu foun ne’ebe iha.

Ohin Me. Alma hahu ninia vizita iha komunidade Balide. Iha Bem vinda, komunidade simu madre ho dansa ida, hafoin mak kontinua ho orasaun badak iha kapela.

Tema ba orasaun ne’e mak Silensiu, hanesan Maria, ami mos hakarak discerne hamutuk Maromak nia hakarak mai ami ida-idak no komunidade, iha situasaun hakmatek no nonok ne’e, ne’ebe ita moris dadaun.

Hotu tiha merenda, Me. Alma hahu kedas ho konferensia dahuluk, iha ne’ebe madre fahe kona ba íkona Jesus ne’ebe mosu ba apóstolu sira iha tasi ibun. Apóstolu sira dezesperu wainhira Jesus mate, bele kompara ho ita nia situasaun ohin loron nian. Maibe fiar ba katak Maromak nafatin prezente iha ita leet atu hametin komunidade no hakbiit misaun ne’ebe Nia entrega ona mai ita. Maromak fo no fo nafatin, maibe husu mos ita nia kontribuisaun, ita ida-idak tenke fo buat ruma husi ita nia parte. Ita presiza hafoun fiar, esperansa no karidade, atu hasoru situasaun aktual ho efikaz.

Bem vinda dala ida tan, ho laran kmaan no fuan nakloke, ami hakarak kolabora atu vizita kanónika ne’e bele fo fuan wain, ba ami nia haburas an no mos ba misaun.

… OBRIGADA …

Komunidade DB Balide