“Konkluzaun vizita kanónika”

Dili – Hanesan prátika baibain Institutu FMA nian, loron ikus vizita kanónika dedika ba relatóriu husi parte Inspetora nian no agradesimentu. Nune’e mak, ohin 21 Marsu 2021, Domingu V Kuarezma nian iha Santa Missa, ami agradese ba Provinsiál nia vizita hodi harohan ba ninia intensaun sira.  Missa ne’e selebra husi Pe. Gui SDB, ne’ebé iha ninia omilia husu atu “kolabora ho Jezús iha ninia “oras ne’ebé to’o ona”, “oras salvasaun nian” ba isin no klamar. Dalan ne’ebé nia sujere mak husi “egosistema ba ekosistema”.

Hafoin, Provinsiál, madre Alma Castagna, aprezenta ninia relatóriu kona-ba vizita kanónika hodi uluknanai sadik Irmán sira atu reflete kona-ba P. Gui nia omilia: “Oinsá ha’u bele hala’o Na’i nia Oras iha moris loroloron tempu ida ne’e nian?”

Tuirmai, Provinsiál fó ninia sujestaun ruma. Dahuluk mak sai komunidade vokasionál la’ós de’it ida ne’ebé mai halo esperiénsia vokasionál, maibé mós ba pré-adolexente eh adolexente sira iha “Escola Maria Auxiliadora; daruak atu haka’as an nafatin moris sinodalidade hodi envolve ema hotu hahú husi planu hamutuk, respeita ba ida-idak nia knaar, no komunika eh fahe. Datoluk, atensaun ba kiak no dook. Ohin loron ho pandemia, ita presiza deskobre pobreza foun sira mós, maski pobreza tuan mós kontinua iha. Nia husu atu kiak sira ne’ebé hela besik komunidade interpela hilin pesoál no komunitária. Ir Alma taka ho S. Paulo nia liafuan ba Filipense sira: “³Ha’u fó agradese ba ha’u nia Maromak bainhira ha’u hanoin imi; no bainhira ha’u harohan ba imi, ha’u harohan ho ksolok” (Fil 1,3-4).

Komunidade agradese ho knananuk “Io sono l’altro” (Niccolò Fabi) tuir dalan ne’ebé komunidade halo daudaun kona-ba estuda no foti empeñu atu moris tuir Papa Francisco nia ensíklika “Fratelli Tutti”, kona-ba fraternidade no amizade sosiál.

(Komunidade Eusebia Palomino-Dili)