Venilale 13 Marsu – komunidade Edukativa Madre Mazzarello na’in 26 halo retiru hamutuk iha komunidade FMA madre Mazzarello, nu’udar preparasaun ba festa Páskua. Retiru ida ne’e pregadór Pe. José Ximenes SDB, diretór casa Saleziana Venilale ne’ebé fahe kona-ba: “IDENTIDADE KARIZMÁTIKA FAMÍLIA SALEZIANA” nian. Nia refere kona-ba ita-nia misaun, espíritu da mihi animas nian, relasaun familiár, formasaun, métodu edukasaun no evanjelizasaun.

Iha pontu lima ne’ebé padre fahe ho komunidade edukativu; Família Saleziana iha Kreda, Misaun Família Saleziana, Espíritualidade Família Saleziana, formasaun ba Família Saleziana no kompozisaun animasaun família Saleziana.

Identidade ne’e nu’udar patrimóniu ba Família Saleziana tomak nian. Iha ne’ebé sai eransa husi fundadór sira ba ninia família ne’ebé kontinua ninia misaun liuliu ba foinsa’e sira. Tanba ne’e família hirak ne’e presiza assume identidade ne’e sai hola parte iha sira-nia DNA.

Nu’udar família Saleziana presiza mós koñese no hakle’an identidade karizmátika ida ne’e, atu bele serbisu hamutuk maske iha diversidade maibé iha unidade ho objetivu ida de’it mak ba foin-sa’e sira-nia salvasaun no serví Evanjellu liuliu sira-nia dezenvolvimentu umanu, edukasaun no Evanjelizasaun, área tolu ne’ebé fundamental liu atu Família Saleziana tau iha prátika.

Depoizde konferénsia, padre pregadór fó tempu atu bele fahe problema no difikuldade ne’ebé hasoru iha misaun no iha serbisu hamutuk. Hafoin retiru ne’e taka ho konfisaun.

(Alice Gama Filipe FMA)