Dili, 31 de Janeiro. Ho fuan haksolok ami komunidade Divina Providensia selebra solenidade são João Bosco nian. Festa ida ne’e sai furak liu tan iha loron ida ne’e, tamba ami hariku ami nia an Epíritualmente ho tridum Dom Bosco nian ne’ebé prepara husi ambitu familia Salesiana nian no iha loron ikus tridum nian ami taka ho mesagen Esreia Retor Mor nian ho tema “La’o ho Esperansa”. Hare’e, Ha’u halo foun buat hotu (Ap 21,5). Atu bele selebra festa Dom Bosco ho diak, iha sàbado loraik komunidade mos oferese sakramentu konfesa ba irman no menina sira, maibe molok halo konfesaun madre Diretora da komunidade prepara menina sira hodi halo selebrasaun penitesia, iha silensiu nia laran menina sira  kontinua kedas ho konfisaun ne’ebé fó husi Pe. José Vataparambil SDB, ne’ebé dedika nia tempu, atu rona konfesaun. Iha loron tuir mai menina sira manifesta sira nia ksolok hodi komprimenta Irman sira ho sira nia drama no kantu sira ne’ebé sira prepara. Depois atraksi madre diretora hato’o mesagen badak ba sira : DB dehan ba labarik no foin sa’e sira, imi bele haksolok, halimar, haklalak, haksoit, maybe labele halo sala, no ida ne’ebé importante liu mak nia hakarak ita tenke haksolok tamba diabu tauk ema ne’ebé haksolok, nune’e iha festa DB nian ida ne’e  ita husu ba nia atu  iha moris loron- loron it abele hatudu ksolok ne’ebé los iha Maromak. No iha loraik ami hotu ba partesipa misa iha Gim DB nian.  Obrigada.

Husi : Domingas Pereira.