Dili-Balide, loron 30 Janeiru 2021. Ohin ami selebra Festa ita aman Don Bosco nian, maske antisipada, atu bele selebra hamutuk ho foinsa’e sira ne’ebe partisipa iha kursu ba tinan ne’e ne’ebe sai mos nu’udar misa abertura kursu nian.

Festa ne’e sai furak no partesipa husi ema hotu tamba husi kedas tridum, grupu ida-idak liturjia nian fahe boanoite ho kriatividade kona Don Bosco aman, mestre no belun ba foinsa’e sira. Nune’e mos ho foinsa’e kursu sira, iha buon giorno kona ba Don Bosco no iha loron molok festa nian, hare mos filme.

Iha selebrasaun Pe. Acacio, SDB kompara DB nia moris ho Jesus, ne’ebe hatene fo moris. Foinsa’e sira mak naok Don Bosco nia fuan. Nia presiza ita nia klamar la’os buat seluk. Titulu Don Bosco Aman, Mestre no belun ba foinsa’e sira ne’e, mai husi papa Joao Puolo II iha ninia kanonijasaun, ne’e dehan katak kreda mos rekunhese.  No ne’e mak SDB no FMA sira bele oferese ba foinsa’e sira.

Iha mos konfraternijasaun simples no jogus puzzle atu konhese di’ak liu tan DB. Maske selebrasaun simples no nafatin tuir protokolu OMS maibe ema hotu haksolok.

Komunidade Balide