Dili – Ohin dia 17 janeiro 2021, hala’o Sorumutu membro estrutura MJS ba dahuluk  iha tinan 2021 iha CPN-Comoro. Estadu Emergenzia ami la liu nain 9. Iha sorumutu ida ne’e kompostu husi ema nain 8; animadores nain 6 no encaregado/a husi SDB no FMA.

Sorumtu ne’e iha objetivu atu fahe ba malu esperiensia sira nebe animador sira halo iha tempo KK no plano ba mini kongresu no tentativa atu hahu estuda hodi halo Estatuto MJS nian. Molok hahu hato’o ami nia Bemvindo ba encaregado SDB foun ba MJS Pe. Cesar SDB ne’ebè ho laran tomak atu la’o ho ami no tempu hanesan ami agradese Amo Isaias ne’ebé durante ne’e servisu hamutuk ho ami ho dedikasaun tomak, Ami hein nafatin amo nia suporta.

Hafoin ida idak fahe esperiencia sira; Animadores sira senti falta wainhira oratorio la iha, maibe sai mos okasaun atu atu anima labarik sira iha sira nia uma, halo sira nia uma sai Parokia, Eskola no kampu. Iha KK sai mos oportunidade hodi aumenta liutan sira nia kriatividade inventa bisnis kiik, halo buat ruma hodi fan iha online, aktivu iha media social hodi fahe Maromak Nia Liafuan, bele missa online hamutuk ho familia iha uma, husi situasaun difisil ida ne’e halo ami konhese no besik liu tan ba Nai Maromak, no hatene halo solidariedade ho maun alin sira nebe terus tan Covid-19.  Hodi reza ba moras sira no ema hotu nebe ho laran luak tau matan ba moras sira.

Ami hala’o nafatin asaun karidade hodi tulun ema sira nebe la hetan aihan iha tempu EE, ba visita nafatin oratoriano no animadores sira nia familia, ida ne’e halo sira sente unidade nafatin makse ami iha konfusaun la hatene atu ba nebe? Tan buat barak mak la klaru foinsae iha mehi barak maibe la realiza, ema tenki troka ninia estilu moris nian iha sociedade, dala ruma hetan influensia barak atu halo aat, monu ba isu aat, maibe nudar animador iha espiritu ne’ebè fo hanoin atu ho fiar haka’as-an atu haklaken buat diak, koalia buat nebe positive hodi halo diak ba malu no ba ema seluk. Maske la ba misa maibe iha nafatin certeza katak Maromak iha nafatin Maromak proteje no hatudu dalan nafatin ba sira nebe tau laran metin iha Nia.

Agenda tuir mai fase preparasaun nian atu bele realiza Mini kongresu hodi hili membru Strutura MJS foun ba tinan 2021 se buat hotu la’o diak mak uluk knanain sei plano atu rona animador sira seluk nia esperiensia no rona sira nia idea sira husi enkontru direta no online.

Ikus me. Julia taka enkontru hodi fo Mensajen esteia 2021 nebe konvida atu la’o iha esperansa maske iha realidade umanidade hetan terus, difikuldade no konsequensia barak, maibe nudar fiar nian ita kontinua sai sinal esperansa nian ba ema seluk, tamba Maromak iha ninia Spiritu Santu kontinua hafoun buat hotu hotu. Hodi hateke ba santo Don Bosco nebe moris iha situsaun difisile, epidemia Tifu, Nia la lakon esperanza maibe hala’o nia misaun ho laran metin no optimismo nafatin.

Ikus liu ami ba visita SEDE MJS nian no hakarak agradese padre sira ne’ebè oferese fatin oan ida ne’e ba ami foinsa’e sira.

 

Obrigada barak

(animador Afonso Rafael)