Dili (Timor-Leste) – Feto-raan na’in tolu atu ramata daudaun sira-nia esperiénsia voluntariadu vokasionál: Natalia, Domingas no Emerenciana iha komunidade Eusebia no eskola Maria Auxiliadora. Sira haksolok bele halo pasu tuirmai katak hahú pre-aspirantadu. Iha ne’e sira hato’o sira-nia ksolok hodi agradese bele halo esperiénsia voluntariadu nian.

“Iha fulan Agostu,  sei remata ami nia esperiénsia voluntária nian  iha komundade Beata Eusebia.Ami haksolok tebes, tanba bele hetan oprtunidade ne’e hodi halo koko no haré diretamente moris relijioza Salesiana. Molok tama mai atu halo esperiénsia ne’e, iha ema ne’ebé ajuda no hatudu dalan mai ami, padre Salezianu no irmán saleziana balun. Obrigada barak ba imi hotu.

Esperiénsia ne’e furak, ami envolve iha atividade aula nian, ajuda profesora sira no aprende oinsá atende labarik sira ne’ebé nakar liu, tuir Sistema Preventivu ne’ebé irmán sira ko’alia ba ami. Irmán sira haksolok nafatin no ami sente iha família rasik. Iha mós tempu atu aprende serbisu ruma iha uma-laran. Tempu liu daudaun no ami aprende liután atu hametin ami-nia fiar iha Maromak hodi fiar katak Maromak sei kontinua tulun ami iha ami nia dalan atu loron ida ami mós bele serbi ami nia maluk foin sae sira, iha no liu husi família relijioza Saleziana. Ami hakarak tebes atu hahú ami-nia formasaun iha tinan ne’e.

Ami-nia agradesementu espesiál ba madre provinsiál, ir. Paola, ne’ebé simu ami  atu halo esperiénsia iha komunidade ne’e. Obrigadu mos ba ir, Gianna no irmán ida- idak ne’ebé tulun ami haklean ami-nia vokasaun sarani nian ho sira-nia prezensa no sasin.

Ba simun fraterna ne’ebé imi hatudu durante ami-nia esperiénsia Volunturiadu nian, ami hato’o obrigada barak”.