FESTA AGRADESIMENTU NO SELEBRA NATÁL HAMUTUK IHA ORATORIO  M.A

Ohin loron 20/12/2020, ho ksolok boot ohin  inan-aman, oratorianu, ADMA sira hamutuk hodi halo festa Agradesimentu nian ba grasa hotu ne’ebe ami simu durante tinan tomak nia laran to’o momentu ida ne’e, nomos selebra festa Natal hamutuk.

Iha ami nia atividade ne’e primeiro liafuan Bemvinda ba Diretora Ir. Esmeralda hafoin dansa tradisional nu’udar bemvinda husi oratorianu sira ne’ebe animadora sira mak prepara ona. Tuir mai atividade seluk tan ne’ebe ami hala’o mak boatarde husi Ir. Esmeralda ne’ebe hato’o mensajen furak konaba labarik ida-idak ne’ebe mai oratorio Nain feto rasik mak lori nia, nune’e sira hotu ne’ebe Nain feto mak lori nia sei tau matan no proteje sira ho nia manta husi perigu nia laran. Hafoin labarik sira aprezenta drama agradesimentu no Natal nian tuir grupu ida-idak ne’ebe iha.

Remata tiha festa ami merenda hamutuk, labarik sira ne’ebe badinas mai oratorio sosa sasan ho sira nia karcis. Iha barak ne’ebe arrepende tanba karcis lakon no balun fali la mai. Sira hakarak hetan prezente sira hanesan sira nia kolega sira maibé sira nia osan laiha(karcis). Sira arepende maibé ami fo korajen ba sira, se hakarak hetan prezente tenke badinas mai Oratorio.

Ikus nian ami dahur hamutuk hafoin fahe malu.

(Honoria FMA)