LIA FUAN HALO-AN BA MANE NO MAI HORIK HO ITA. LIA FUAN NE’E MAK ITA NIA ROMAN

Dili – Sabadu, 19 de Dezembru 2020, iha oras 09:00 ami jovem animadores husi Oratorio B. Ceferino Namuncura hamutuk ho Me. Julia Marcal, FMA no Me. Teresa FMA, hala’o ami nia viajen badak ida ba iha Dare, ho objetivu atu selebra loron moris Kristu nian iha loron 25 Dezembru. Tema ba iha retiru refere mak “Tulun animador sira hakaas aan sai husi nakukun sira neebe taka netik sira nia matan no sira nia fuan hasoru malu ho Kosok Oan roman loloos nian”.  Ami nia retiro fahe ba parte tolu, uluk knanain madre tulun ami atu hanoin kona ba nakukun katak rekuinese hahalok nakukun nian sira nebe taka netik ita nia fuan no neon atu bele hare Jesus Roman boot. Iha reflesaun ida nee tulun tebes ami atu halo konversaun no hakribit hahalok nakukun nian. Reflesaun ne ami halo iha kruz joven oin. Iha parte daruak madre lori ami tama parokia iha neba ami reflete kona ba Jesus mak mundu nia roman. Reflesaun ne tulun animador sira atu prepara an simu Jesus ho fuan mos no brani fo sasin kona Jesus ba ema seluk. Husu ida idak sai sasin ba Roman ida ne’e. Reflesaun ikus nudar ami nia gratidaun ba Maria Virjen inan nebe ho Ninia Sim fo ba ita Jesus nudar ita nia salvador.

Hafoin remata meditasaun hamutuk, Ami reza terzu husi parokia ba gruta. Hafoin orasaun tersi ami fahe ba grupu lima hodi fahe reflesaun ba malu no ho kreatividade grupo ida ida apresenta fila fali ho drama no kanta. Dalan fiar nian nebe ami halo no esperensia retiru ida nee uniku tebes tamba ambiente ajuda ami hodi hare ba ami nia an hodi hasoru malu ho Jesus iha ami nia silensio no reflesaun nee. Ami hakarak tebes atu hetan oportunidade hanesan nee ba orasaun. Depois ami fahe fraternizasaun han buat nebe ida idak prepara.

Loraik ami halao asaun karidade ba fatin Man Lu ismaik hodi fo buat nebe ami bele atu tulun alin kiik sira husi Primária too Secundária. Ami halo animasaun ho sira no komprimenta malu ba Natal. Iha grupu Ismaik la’os deit hetan uma no familia foun maibe labarik sira mos aprende atu moris ho kosar been rasik. Hadomi serbisu iha toos hodi sustenta sira nia eskola.

No Ikus liu molok fila mai Dili, ami merenda hamutuk ho alin sira no hato’o ami nia agradesimentu ba malu tan fahe ksolok hamutuk ona iha loron ida ne’e.

 

Obrigada

 

Husi: Me. Julia FMA no animadora Vitoria.