Dili – Iha 12 Dezembru 2020, Professores no Irmán sira husi Escola Maria Auxiliadora – Comoro (Dili), hala’o hamutuk Retiru Espirituál hodi prepara ba festa Natal nebe besik daudaun ona. Iha retiro ida ne’e pe. Justino Tanec sai pregadór hodi koalia kona ba “MARIA PORTADORA DA PROMESSA” nebe foti husi Exortação Apostólica Pós-sinodal Christus Vivit do Santo Padre Francisco.

Iha Padre nia pregasaun padre subliña buat barak kona ba Maria nia atetudi sira nebe bele sai mos ezemplu ba ita hotu nudar edukadores: O sim de Maria, Anuncio: simplicidade, pequenez, Maria sensivel no iha parte ida nebe padre mos aprezenta kona ba Maria, peregrina da fé. Parte ida ne’e padre sublinha liu-liu Maria nia atitude nebe hatene akompaña nia Oan iha sofrimento. Maria fó apoiu ba nia Oan ho nia fihir, hateke no proteje ho nia fuan. Maske hare nia Oan terus, ema baku no hedi ba kruz, maibe nia la lakon esperansa. Iha kontráriu nia forte nafatin no la dezanima. Maria Peresevera iha nia moris tomak hosi akompaña Jesus iha nia moris tomak no iha akontesementu hotu, mate no moris hias. La’os akompaña superfisiál de’it, hanesan turista ka mata dalan ida, maibe hanesan peregrina da fé, aprende lao iha fiar. Ho ida ne’e hakarak fó hanoin mós ba edukadores sira atu foti atitude Maria nian ida ne’e iha ita nia akompaña alunos sira. Pronto nafatin maske dala barak hasoru difikuldades. Tanba maske ita hasoru difikuldades oin-oin maibe ita sei hetan gloria iha loron ikus.

Retiru ne’e halao iha klima nebe hakmatek no fraterna. Iha mós oportunidade atu halo fali rekonsiliasaun ho Maromak liu husi Sakramentu Konfisaun no taka ho Santa Missa.

(Prof. Ana Izaura)