Venilalle, 11/ 12/ 202
0. Ho ksolok irmán no formande sira, iha komunidade Maria Auxiliadora simu diretora foun madre Olga Belo, ne’ebé akompaña husi Madre Alma Castagna, ho liafuan bemvinda, knananuk Welcome no hananu Monese nian (Acqua siamo noi).

Hafoin irmán sira akompaña madre Olga ba kapela no hahú ho orasaun hodi entrega ba Maromak lao dalan foun ne’ebé komunidade ne’e hahú hamutuk ho diretora foun, iha klima orasaun nia Madre provinsial Madre Alma entrega ba Madre Olga simbolu Uma Monese nian hodi karateriza komunidade dahuluk ne’ebé sai uma domin Maromak nian. Hafoin irmán sira halakan lilin hodi harohan hamutuk atu komunidade lao hamutuk nafatin iha komuñaun iha ksolok hodi buka Maromak nia hakarak, hodi entrega madre Olga nia misaun foun ba Nain Feto no entrega ema ida-idak ne’ebé madre sei hasoru: labarik orfaun sira, formande, irmán sira no foinsa’e sira; hanesan lian ne’ebé Madre Mazzarello rona iha Borgoalto “ Hau entrega sira ba Ó”.

Obrigada Madre Olga ba ita nia Si no disponibilidade no boa misaun! Obrigada barak! Cesarina Correia, FMA