Haree no halo asaun reál

Dili (Timor-Leste)- Iha  Eskola Primária Maria Auxiliadora- Comoro, eskola Madre Saleziana sira nian, eziste grupu  Labarik hanaran “Infância Missionária” (I.M.).  Nia objetivu haktuir nu’udar motto:  “ Labarik Evanjeliza Labarik “. Sira halo formasaun semanál : Le’e Jesus nia Istória, reza hamutuk no halo atividade solidariedade nian. Iha grupu, irmán asssora tulun sira atu sai leader ba maluk labarik sira.

Labarik sira prepara ho liman no matenek rasik atividade solidariedade nian: sasán ruma ne’ebé bele manán osan. Iha fulan Jullu nia laran irmán diretora eskola nian, fó oportunidade atu sira halo merkadu ki’ik ba alunu sira ho folin ne’ebé baratu. Ninia objetivu mak atu halo labarik sira sensível ba rmaun–alin kiak sira nia realidade hodi halo asaun konkretu atu tulun sira iha parte ekonómika no espirituál. Fó mos  lisaun pozitivu ba sira rasik kona ba valór serbisu no serbisu iha grupu. Osan sira ne’ebé manán iha merkadu ki’ik ne’e sei tau hamutuk ho osan ne’ebé sira sei manán iha fulan Missaun katak fulan Outubru, hodi haruka ba Amu-Papa, tanba Grupu Infância Missionária mak OBRA PONTÍFICIA  ida. Osan sira-ne’e , ne’ebé sei mai husi labarik I.M iha mundu tomak, sei haruka fali ba labarik kiak sira iha nasaun seluk. Ida ne’e motivu bo’ot liu ba sira atu halo atividade ne’e ho ksolok tanba sira nia promesa” I.M  ida “ SEMPRE FÓ HO KSOLOK “.

Iha sira-nia moris nu’udar  Labarik Missionária, sira sei moris ho espiritualidade OES² (Orasaun, Esmola, Sakrifísiu no Sasin). Sira mós halo apostoladu iba bairru ho labarik sira ne’ebé sira hasouru hodi haklaken Jezús nia Lia- Fuan Di’ak ba sira, hodi konta tuir istória no halimar ho sira.

Sira mak Anunsiadór ki’ik ne’ebé Jezús hadomi liu.