Dili – Iha 27 Outubru 2020 realiza enkontru ekónoma lokál sira ne’ebé iha Comoro Dili  ho totál Irmán ekónoma hamutuk 10, ne’ebé hetan Formasaun husi ekónoma Inspetoria Ir. Lanny Ganda, FMA  ho responsavel Plataforma Irmán Tania Monteiro, FMA.

Iha parte dahuluk hahu ho orasaun ne’ebé prepara husi  Irmán Ivonia Belo, FMA hafoin kontinua ho liafuan badak husi Madre Alma Castagna nu’udar Provinsiál TIN, fahe liafuan ho fraze 3:

Enkontru ekónoma nia objetivu ne’e, foti fila fali lia fuan husi Kapitulu Jerál XXIV ne’ebé dehan “Generativo” katak fó moris. Fo moris katak serbisu hotu fó moris iha ita nia misaun sira. Ekónoma mak responsavel ba Plataforma laos Diretora  (Presiza kolabora hamutuk ho komunidade). Serbisu ne’e hatudu ita nia domin ba Institutu tanba Plataforma ne’ebé mai husi Ekónoma Jerál nia Inisiativa ba Inspetoria tomak iha mundu.

Iha enkontru, fó hanoin mós ba irmán ekónoma sira katak iha tempu Pandemia Covid 19, iha ema barak hetan susar, hamlaha no terus barak, tan ne’e iha okaziaun ruma husi ema laran luak atu tulun ita, ita presiza book an atu fó resposta lalais  (keta husik okaziaun ne’e liu de’it), lalika hein kleur maibe book an kedas atu haruka proposta ba ema sira ne’ebé husu atu tulun ita.

Se presiza, husu tulun ba Irmán Juniores ruma atu ajuda Irma Ekónoma lokál atu hakmaan serbisu ne’ebé iha. Presiza haree iha komunidade laran Irmán ruma ne’ebé karik iha kapasidade atu halao jestaun ekonomia, oinsá hatene halao kompras ruma no fó report loos, karik hahu agora bele akompana nia atu bele iha jerasaun foun ba kaer knaar nudar ekónoma uma nian.

Parte dahuluk nian koalia kona ba Jestaun kolaborativa FMA nian mak: atu fasilita hosi troka informasaun no dadus sira; hatene realidade Inspetoria, uma ida-idak & Ekónoma Jerál; Plataforma ne’e eziste mós fó importánsia montante no dadus estatístika no koñesimentu kle’an kona-ba  Institutu globál FMA nian.

Plataforma ne’e eziste mós fó importánsia montante no dadus estatístika no koñesimentu kle’an kona-ba  Institutu globál FMA nian.

Iha parte ne’e mós husu kolaborasaun ba nivel  dadus sira iha nivel oin-oin:

• iha nivel Obra sira
• iha nivel uma sira
• iha niivel Inspetoria sira
• iha nivel Institutu sira

Buat hotu ne’e presiza kolabora hamutuk ho Irmán ida-idak iha komunidade laran.

Ikus liu esplikasaun klaru husi Ir. Tania kona ba  dadus sira ne’ebé hetan iha Komunidade ida-idak ho atividade sira ne’ebé relevante ho komunidade ida-idak  nia misaun hodi tama iha Plataforma nia strutura ne’ebé prepara ona husi Nivel Institutu FMA nian.

(Ines Bartolo FMA)