Festa Agradesimentu komunidade Maria Auxiliadora- Venilale

“Hau agradese Ita Na’i ba kmanek oi-oin ne’ebé ita simu hamutuk” ( Sal. 139,14)

Venilale, 17-10-2020, loron ksolok bo’ot ba ami komunidade Maria Auxiliadora hodi selebra ami nia  festa agradesimentu, hodi agradese  malu ba buat diak  hotu ne’ebé simu no fahe ba malu durante tinan nia laran hamutuk ho irmán sira , formande sira, labarik orfaun ida-idak , kolaboradores sira no padre SDB sira husi Fatumaka no Venilale nian neébé akompaña ami iha parte Espiritual hodi administra sakramentu Santu mai ami atu haburas-an iha parte espiritual.

Iha loron ne’e ami nia festa hahú ho selebrasaun Eukaristia ne’ebé selebra husi padre José de Sá, SDB iha tuku 06.30 dader  iha orfanatu São Domingos Savio, iha homilia padre hateten:  iha ita nia moris loron-loron nafatin dehan obrigada ba buat hotu ne’ebé ita simu tanba ema ne’ebé hatene agradese mak ema ne’ebé hatene hahí  Maromak hanesan salmu 116 dehan : “Como posso agradeser a Deus por quanto que Ele me concebida” hodi hatan ba salmu ne’e ita dehan: exaltarei o calice da salvação e invocarei o vosso nome . Iha maneira partikular ita agradese ba madre Cecilia ne’ebé nu’udar inan akompaña imi ida-idak maske ho idade ne’ebé avansadu maibé ninia fuan mak foin-sa’e nafatin maibé mos ita agradese ba malu  basá husi imi mak ami bele hala’o didiak ami nia moris nu’udar ema konsagrada.

Iha lorokraik ami reza tersu hamutuk, hafoin halo konvivu hodi aprezenta drama kona ba: “Mornese horiseik no Mornese ohin” hodi agradese madre Cecilia del Mundo ba madre nia dedikasaun, ksolok no domin hodi guia komunidade. Obrigada Madre Cecilia doben ba ita nia generosidade. No hodi remata festa ne’e ami han hamutuk ho komunidade edukativa husi sentru 3, labarik orfaun sira no padre SDB sira husi kominidade Beato Filipe Rinaldi.

Obrigada barak!

(Cesarina Marques FMA)