Dili – [tHo fuan nakonu ho ksolok ohin 4/10/20, Oratorianu sira ba halo peregrinasaun iha Gruta Familia nian iha Metiaut, abertura fulan Nain Feto Rosariu nian, atividade ne’ebé ami hala’o mak hanesan : hahú ho Boatarde husi Diretora Ir. Esmeralda Soares, iha boatarde ne’e ko’alia konaba fulan Outubru mak fulan ne’ebé dedika ba Nain Feto Rosariu, nu’udar Oratorianu ne’ebé badinas reza Rosariu, hodi hetan grasa barak liu ne’ebé ninia familia presiza, no mos sira nia presiza rasik atu sai labarik ne’ebé di’ak tuir DB dehan : se mak laran metin ba Nain Feto nia sei hare saida mak milagre. Depois de boatarde ami kontinua reza tersu ne’ebé animadu husi Ir. Sira. Ho fuan ho laran tomak ami reza ho fervor no domin  ho intensaun oin-oin ne’ebé iha, hodi selebra mos loron ba kriasaun nian.

Remata tiha Rosariu ami kontinua kedas ho jogu sira ne’ebé animadora sira prepara, fahe prezente ba manan nain sira konkursu BIBLIA nian, agredese ba Sr. Francisco no nia familia ne’ebé ho laran luak prepara ambiente no simu ami ho ksolok iha nia Uma, ikus liu ami taka ho merenda hamutuk, hafoin ami despede malu hodi fila fali ba ami nia Oratoriu fatin.

Obrigada ba Komunidade nia suporta hotu no animadora sira nia kolaborasaun ne’ebé ho kreativa hodi realiza peregrinasaun ida ne’e ho di’ak.

(Honoria FMA)