Dili – Iha loron 13 Setembru 2020,  iha komunidade Divina Provvidenza (Comoro), Irmán sira oferese dala ida tan formasaun ba menina sira kona ba esperiénsia moris konsagrada nian. Ba ida-ne’e, ami konvida Me. Maria Letizia FMA, ne’ebé mai fahe esperiénsia ho menina sira. Iha enkontru ida ne’e madre konvida mós menina sira atu hanoin mós Madre Mazzarello hodi husu  nia intersesaun tamba ohin mak ita komemora ninia loron. Iha enkontu ne’e madre halo mós dinámika oituan, parte:

1. Fahe perguntas no deskuti hamutuk.
2. Ko’alia kona ba vokasaun.
3. Madre fahe oituan kona ba madre nia moris relijiozanian.

Iha hasoru malu hahú kedas Madre dehan ba sira “foin-sa’e sira imi mak ami nia ksolok”.

Ha’u la ko’alia kedas kona ba vokasaun relijioza ka atu sai madre no seluk tan, uluknanai ha’u hakarak foti Amu-Papa nia liafuan ne’ebé nia  ko’alia ba Joven sira tamba iha dokumentu Christus Vivit nian iha parte ida ne’ebé furak liu no interesante ne’ebé ha’u hakarak atu imi koñese. Ohin imi iha oportunidade atu hakmatek, atu reflete. Ha’u hare semana nia laran menina sira kontinua serbisu no universidade sira kontinua ba eskola to’o loraik, madre sira fó oportunidade, maibé imi mós tenke buka tempu mesak atu silénsiu, halo orasaun no lee Maromak nia Liafuan mesak.

Depois madre fahe pergunta ba sira atu bele hanoin la’ós ko’alia.

Pergunta sira mak:

Iha ha’u nia moris ha’u  buka saida, hein saida? (Buka osan,sai riku,buka naran boot?) Ha’u koñese ha’u nia an, ha’u nia kapasidade, ha’u nia talentu? Ba kle’an hodi hanoin saida mak fó ksolok, mai ha’u  iha ha’u nia loron ha’u sente ida ne’e, ida ne’e no ida ne’e ka ha’u sente maran de’it no se ha’u haksolok saida mak halo ha’u haksolok? Se wainhira ha’u reflete iha kalan ha’u bele hetan katak hahalok ida ne’e fó haksolok mai ha’u ,no momentu ida ne’e mós fó haksolok mai ha’u? Ka ha’u sente mamuk deit? saida mak fó ksolok mai ha’u? Imi la hanoin katak ida ne’e fó ksolok mai ha’u? Tenke haksolok tanba Amu-Papa mós dehan mai ita imi haksolok ba, katak agora tempu atu haksolok la’ós atu sai triste, bele mós iha tempu ruma atu halo ha’u sai triste.saida mak halo ha’u triste? Ha’u hanoin katak  iha fatin ida ba ha’u. Timor ladún bo0t maibé iha mundu ne’e ha’u fiar iha fatin ida ketak ba ha’u. Saida mak ha’u bele oferese ba sosiedade no ba Igreja ohin loron, ha’u bele oferese buat ruma? Joven sira Amu-Papa konfia liu iha joven sira  atu hafoun Kreda, Amu-Papa fiar joven sira. Depois imi halo pasajen ida, iha ema balun nafatin hanoin ha’u se? La hanoin ema seluk maibé hanoin an de’it, buka naran boot, buka osan, buka karreira, buka oin, buka fatin di’ak iha sosiedade no seluk, ne’e labele; tan ne’e tenke hanoin ema seluk. Nune’e buka pasajen ha’u sé no ha’u ba sé nune’e molok ko’alia kona ba vokasaun importante liu atu imi hatene uluk ida ne’e.

Depoizde ida ne’e sira fahe ba grupu halo diskusaun ba perguntas sira. Hotu tiha madre fahe oituan kona ba vokasaun profeta sira nian, iha atigu testament nian. Madre Maria konta mós oituan kona-ba madre nia moris konsagrada nian. Wainhira madre sei ki’ik  buat ne’ebe halo nia haksolok liu mak ninia partisipasaun iha Missa loron-loron nian liuliu ninia domin ba Eukaristia no Jezús nia prezensa ne’ebé tulun nia atu sai metin liutan ba Kristu. Husi esperiénsia hirak ne’e mak halo madre Maria desidi atu tuir dalan relijioza nian tamba madre hetan ona nia ksolok ne’ebé loos.

Iksumai madre Maria konvida menina sira atu bele haboot sira nia domin ba Jezús hodi sai belun ho Nia no ko’alia ho Nia loron loron liu husi moris orasaun nian katak moris orasaun pesoál nian.  Atu remata, menina  sira agradese madre ho kántiku badak ba madre hodi agradese barak ba ninia esperiénsia moris nian ne’ebé fahe ona ba sira, hafoin taka ho Ave Maria ida agradese Na’i-Feto ba tulun hotu.

(Domingas Pereira FMA)