Dili/Balide – Iha loron 12 Setembru, ami estudante kursus Balide halo formasaun ikus nian ba tinan ida ne’e. Ema ne’e hato’o input mak Me. Tania Monteiro, FMA no postulante sira tulun iha animasaun.

Iha formasaun ida ne’e, Me. Tania ko’alia kona ba Jezús Kristu  nia moris no Nia misaun iha mundu. Madre nia reflesaun bazeia ba Papa Francisco nia ezortasaun apostólika Christus Vivit, iha ne’ebé Amu-Papa dehan Jezús Kristu nia mak Juventude furak liu mundu ne’e nian. Buat hotu ne’ebé Nia kona sai fali Joven, sai foun ho nakonu ho moris.

Iha formasaun ida ne’e, madre mós fahe ami ba grupu reflesaun nian, hafoin mak aprezenta fali ba asembleia liu husi knananuk, drama no seluk tan. Estudante hotu partesipa ho laran no hakarak tomak, tanba maske dala barak ami rona Maromak nia lia fuan, maibé wainhira ami tenke fahe no dramatiza, ne’e hanesan buat foun mai, atu ami bele haklean no hanoin nafatin pasajen ne’ebé ami fahe ona iha grupu ki’ik. Formasaun lai sai todan, tanba akompaña ho animasaun.

Ami estudante sira sente kontente tebes no agradese, maske tuir kursus deit maibé ami mós hetan formasaun espirituál husi Madre sira. Obrigada barak ba buat ne’ebé imi halo, ba ami nia di’ak.

 

Husi: Fernanda no Santifika (Kursu Sekretariado Computer Balide)