Katekeze ho Papa Francisco – 27 Agostu 2014

Iha katekeze kuarta 27 ne’e, iha Prasa S. Pedro, Papa Francisco foti fali siklu katekeze nian kona-ba Kreda. Nia reflete kona-ba unidade no santidade Kreda nian, hodi destaka katak divizaun mak salan boot ida iha komunidade sarani.

Asesu Katekeze ho lia-portugés

Unidade no santidade iha Kreda mak Maromak nia fuan sira, no la’ós ema nia obra, Amu-Papa hateten.  Kreda , tanba funda husi Na’i Jezús Kristu no anima husi ninia Espíritu, maibé nia mós frajil tanba nia elementu sira mak ema maksalak sira.

“Entaun, fiar ne’ebé ita profesa dudu ita ba konversaun, atu iha korajen atu moris loroloron unidade no santidade, no se ita la sai ida de’it, se ita la sai santu, tanba ita la fiél ba Jezús”.

Maski dezeju Kristu nian atu “ema hotu sai ida de’it”, Papa Francisco fó hanoin katak iha salan barak kontra  unidade. Nia refere la’ós de’it ba sizma sira, maibé ba “salan parokiál sira”, nu’udar ezemplu gossip sira.

“Dala ruma, defaktu, ita-nia parókia sira, ne’ebé simu bolun atu sai fatin partilla no komuñaun nian, marka ho inveja, laran-moras,  antipatia…. No gossip sira sai asesivel ba ema hotu. Oinsá mak ema ko’alia at iha parókia sira! Ida ne’e la di’ak (…) ida ne’e la’ós Kreda. Ida-ne’e akontese bainhira ita buka fatin dahuluk; bainhira ita tau an iha sentru”.

Hodi hateke ba istória Kreda nian, Papa Francisco fó hanoin katak ohin loron iha divizaun barak entre sarani sira no ohin mós buat ne’e realidade ida. No ida-ne’e la’ós sarani, basá Jezús nia hakaran mak unidade.

“Iha komunidade sarani, divizaun ,ak salan ida grave liu, tanba halo nia la sai sinál MAromak nia obra nian, maibé obra diabu nian, ne’ebé nu’udar definisaun ida ne’ebé haketak, estraga relasaun sira, ne’ebé sujere prekonseitu sira”.

Francisco konvida sarani sira atu halo ezame konxiénsia ida no husu perdaun ba tempu hotu ne’ebé sira hamosu divizaun eh inkomprensaun sira. “Ita halian fali iha ita-nia fuan Jezús nia liafuan sira: ‘Rahun di’ak ba dame-na’in sira, basá ema sei hanaran sira Maromak nia oan’ (Mt 5, 9).