Dili – Loron 19/07/2020 Comunidade Divina Providenza dala ida tan oferese ba menina sira formação kona ba oinsa atu haburas liutan sira nia vida Espíritual nian nunue’e ami  konvida mos Dr. Gaspar  Pereira ho nia grupo mai fahe Maromak nia Liafuan hamutuk ho sira.

Iha sorumutu ida nee , sira hanorin ami oinsa atu loke Biblia, no koalia ho Jesus husi  Biblia. Husi esperiensia ida ne’e  halo ami kontenti atu koeñese liutan Jesus no husi shering ida ne’e sai hanesan bukae ida mai ami atu bele fahe tutan fila fali ba maluk foinsa’e sira seluk atu sira mos bele  hadomi no iha hakarak atu lee Maromak nia liafuan.

Evangelho ne’ebé ohin ami  sharing ba malu foti husi Evangelho São João nian (“kap.3;1-21) ne’ebé koalia konaba Jesus ho Nikodemos “).  Mai ami  buat ne’ebé interesante liu mak “Jesus nia salvasaun” tamba Jesus rasik dehan se mak fiar iha hau Nia sei hetan moris rohan laek no evangelho (Kor.13;1-13 koalia konaba domin, domin katak hatudu liu husi moris konkretu no hatudu liu husi oinsa perdua ami nia maluk ida nebe halo kanek ami fuan maske susar tebes atu perdua maibe ho Maromak nia liafuan sira bele ajuda ami oinsa atu perdua ami nia funu baluk ida. Reflesaun ida ne’e iha relasaun ho Evangelho Domingo semana kotuk nian ne’ebé koalia konaba fini nune’e Amo papa Francisco dehan ba sarani sira atu lori nafatin ho imi, imi nia Evangelho kikoan ida, edisaun bolsu evangelho nian, katak tau nafatin iha bolsu, iha karteira Evanjelho kiik nunee, imi bele lee loron loron parte ida, atu imi toman atu lee Maromak nia liafuan no komprende diak, sa los fini Maromak ne’ebé Maromak oferese ba ha’u, no hanoin ho terenu ida ne’ebé mak hau simu.

Ami agradese Maromak no ba komunidade ne’ebé oferese ona mai ami esperiensia furak ida ne’e, ne’ebé tulun ami atu haboot  liutan ami nia domin ba Jesus.

Obrigada Wa’in.

(Husi Menina Fátima no Dulce)