Dili 28 Juñu – Ho fuan  gratidaun nian ami husi komunidade Divina  Providenza hakarak agradese ba maun Aldo Battagliola ne’ebé durante  tempu stadu emerjensia  hela ho ami no tulun ami liu-liu iha sentru formasaun Joăo Paulo II no sentru Produsaun “ Bakery”. Maun Aldo nia prezensa tulun boot ba menina sira no meninu sira, no  komunidade . Iha Ikus liu maun Aldo hato’o nia lia fuan nia agradese ba komunidade no menina ida-idak ne’ebé simu nia liu—liu ba jestu domin nian. Maun Aldo mós husu deskulpa tamba labele lori sira sai oituan ba haris tasi, han ice cream, tamba situasaun la permiti maibe nia promete tinan oin nia sei halo buat ne’ebé nia dehan. Maun Aldo mós  husu ba menina sira atu kontinua  tau iha pratika buat sira ne’ebé sira aprende ona no kontinua kolabora ho madre sira atu halo diak liu tan.

Ho domin komunidade mós agradese ba maun Aldo nia domin, laran diak, pasiensia no sacrificiu hotu ne’ebé  halo ona mai ami durante tempu emergensia nia laran, maun nia prezensa sai tulun boot ba komunidade. Ohin maun arangka ba Italia. Viajen di’ak, maun Aldo, ami reza atu maun Aldo to’o ho diak.

Aldo viajen loron 28 ho aviaun ne’ebe’ World Food Program aluga.

Obrigada (kom. DP)