RV – Papa Francisco husi loron 11 Agostu viajen ba Koreia Sul-Seoul ba ninia viajen internasionál datoluk, no sei hela to’o loron 18. Atu simu nia mak Prezidente Park Geun-hye no iha ninia diskursu ho lia-inglés ba autoridade sira nia foka kona-ba importánsia dame nian.

Is a great joy for me to come to Korea…

“Ksolok boot mai ha’u at mai iha rai Korea, ‘rai dadeersaan hakmatek’ nian , no halo esperiénsia la’ós de;it beleza naturál País nian, maibé liuliu ninia emar sira nia beleza no ninia rikusoin istórika no kulturál”.

 

Ninia liafuan uluk mak agradesimentu, domin ba povu ne’ebé husik kedas inísiu ninia pontifikasu hatudu domin no admirasaun boot ba nia. Amu-Papa halo kolókiu porivadu iha Blue House ho señora prezidente Park Geun-hye no hasoru mós autoridade sira.

“What a gift hope is!  We cannot become discouraged…”

“Prezente boot liu mak esperansa! Ita labele sai dezanimadu atu  to’o ba meta sira ne’ebé la’ós de’it ba povu koreanu nia benefísiu , maibé ba rejiaun no mundu tomak”.

Papa Francisco subliña motivu ba ninia vizita: Loron Aziátika Juventude IV no proklamasaun Beatu na’in 124. Selebrasaun sira ne’ebé kompleta malu, tanba kultura koreana komprende di’ak dignidade no sabedouria ema katua no ferik sira-nian no fó onra ba sira-nia papél iha sosiedade. Maibé povu ida ne’ebé hadomi tradisaun valoriza foin-sa’e sira no tranzmite liman-rohan pasadu nian.:

“Korea’s quest for peace is a cause close to our hearts…”

“Buka dame husi parte Korea nian – Papa Francisco hateten – mak kauza ida ne’ebé partikularmente importante tanba influensia estabilidade área tomak no mundu tomak, ne’ebé kole ona ho funu. Buka dame reprezenta dezafiu ida ba ita-ida-idak no ho modu partikulár sira ne’ebé iha knaar atu persege di’ak komún.

“How important it is that the voice of every member of society be heard…”

“Importante tebes atu rona membru ida-idak sosiedade nian, no promove espíritu komunikasaunnakloke, diálogu no kooperasaun nian! Importante mós fó atensaun ba kiak sira, fraku sira no sira ne’ebé la iha lian, la’ós de’it hatán ba sira-nia nesesidade imediata, maibé promove sira nia kreximentu umana no espirituál.  Ohin loron presiza liu solidariedade ne’ebé iha nu’udar objetivu dezenvolvimentu integrál família umana nian”.

“The Church wishes to contribute to the education of the young…”

“Kreda hakarak kontribui ba edukasaun foin-sa’e sira-nian, ba kreximentu espíritu solidariedade nian ba ema kiak sira no iha moris susar no kontribui ba formasaun sidadaun ferasaun foin-sa’e nian, prontu atu oferese sabedouria no matenek simu husi bei-ala sira no moris husi sira-nia fiar, atu enfrenta kestaun polítika no sosiál boot nasaun nian ”. Kestaun ne’ebé seidaunn rezolve mak divizaun Korea nian, ne’ebé sai ameasa ba fundamentu povu nian no hadook família sira.