Laga – Hanesan bainbain sarani sira taka fulan Maio hodi halo prosisaun estatua Nai Feto haleu bairu no aldeia sira maibè iha tinan ida labele hala’o devosaun popular ida nee tanba iha Pandemia Virus Corona “covid19”. Nunee iha Komunidade Laga Irman sira organiza hamutuk ho orfaun nain 12 nebe hela iha orfanato durante tempo lockdown nian hodi halo prosisaun hodi visita ermida sira haleu iha komunidade.

Irman ho labarik sira prepara fatin ho dekorasaun furak, liafuan badak atu simu Nai Feto ho kriatividade oinoin. Hahalok simplis ida nee hatudu ida idak nia domin no devosaun ba inan doben Virgem Maria.

(Angelita Gomes)