Editoriál: Halo ita-nia uma, uma be evanjeliza

Ita hakat daudaun ba Kapítulu Jerál XXIII, ne’ebé konvida ita atu sai, hamutuk ho foin-sa’e sira uma ne’ebé evanjeliza. Atu evanjeliza, uluknanai ita presiza husik ita-nia an atu evanjeliza husi Maromak rasik nia Liafuan, liuhusi enkontru ho Jezús ne’ebé salva. Papa Francisco hakerek iha Evangelii gaudium katak,  “motivasaun dahuluk atu evanjeliza mak domin ne’ebé ita simu husi Jezús, esperiénsia  Nia salva ita ne’ebé dudu ita atu hadomi Nia ba beibeik. No motivasaun di’ak liu atu deside komunika Evanjellu mak “kontempla nia ho domin, para iha nia pájina sira no lee ho fuan. […].

Nune’e urjente rekupera espíritu kontemplativu, ne’ebé halo ita deskobre hikas, loron ba loron, katak ita mak depozitáriu  soin ida ne’ebé umaniza, ne’ebé tulun atu lori moris foun ida,  rona Nia no tau iha pratika Ninia Liafuan sira” (n.264).
Atu halo nune’e, ita presiza fó tempu ba Jezús, para husi ita-nia ativizmu hotu no tuur iha Nia ain, hanesan Maria Betánia nian, nune’e mós dixípulu sira Emaus nian, ita husik Jezús evanjeliza ita, halakan iha ita domin ba Maromak no ba maluk sira.
Ita husik Na’i to’os nian gia ita!