Retiro 2014

Husi Ir Dolores Ribeiro

Dili – Retiru mak momentu ida ne’ebé presiza hakmatek an hodi husik Maromak nia liafuan sira suli iha ita nia fuan no horik iha Na’i atu ita buka halo dialogo ne’ebé  los no klean ho Nia iha ita nia orasaun no reflesaun sira.  Nune’e iha loron 28 Julho to’o loron 3 Agosto 2014, Irman FMA sira no  Irman nain rua husi Kongregasaun Discipula de Cristo, halao retiru anual nian iha Komoro – uma Provinsial  FMA/Salesiana nian.

sira hamutuk nain 40 ho pregador mak Pe. Helio Cabral SDB no retiru ne’e halao durante semana ida nia laran. Iha retiru ne’e hahú ho Liafuan Bemvinda husi Provinsial Me. Paola Batagliola Fma; ne’ebé fo hanoin fali Irman sira  atu fo importansia ba momentu ida ne’e, tamba iha momentu ida mak presiza atu hakmatek an hodi hateke no hare fali ba moris no esperensia sira ne’ebé liu ona, husik no hamamuk ita nia an atu Maromak bele hakonu fali ho Ninia grasa no ida ne’e presiza atu ema ida idak kria momentu ida ne’ebé silensiu no desertu iha ninia fuan; no tuir mai  kontinua ho Eukaristia nu’udar invokasaun ba Espiritu Santu ba semana ida nia laran. Iha retiru nia laran Padre koalia tuir tema ne’ebé nia prepara ona tuir loron idaidak; Ne’ebé hanesan Vokasaun no misaun  iha Kreda, moris Orasaun, Votus sira, Moris komunidade no Vokasaun nu’udar Salesiana, iha mos esperiensia sira seluk husi Santu, Santa, autores sira no esemplo sira seluk ne’ebé bele tulun no hariku ema idaida. No iha loron ikus loron 4 Agosto remata ho Misa ba Irman Juniores sira ne’ebé  hafoun sira nia votu. No kontinua prepara fali ba festa boot Istituto nian no liu liu atu simu tan mebru foun FMA nain hat ne’ebé sei hatan sira nia Sim dahuluk ba Na’i iha loron 5 Agosto 2014.