Agradesimentu ba Madre Jerál

Venilale – Komunidade Maria Auxiliadora no komunidade Madre Mazzarello selebra hamutuk festa agradesimentu Madre Jerál nian – Madre Yvonne Reungoat FMA iha komunidade Madre Mazzarello, iha loron 27 Abríl. Festa ne’e hahú ho Eukaristia santa iha tuku 6:45 dadeer ne’ebé selebra husi Pe. Abrão Pinto SDB.

Depoizde misa komunidade rua ne’e hamutuk ho reprezentante Família Salesiana, foin-sa’e, edukadór no leigu kuda Ai-oan nu’udar la’o ho tema “La tua vita è un albero che porta frutto”, basá ba tinan 12 mak nia anima no ukun Institutu FMA. Inspetoria Romana (IRO)  husu atu komunidade FMA mundiál, halo konversaun ekolójika hanesan hanorin iha Laudato Sii, ne’ebé tnan ne’e komemora tinan lima ona.

Tema ne’e, konvida ita atu nu’udar FMA, foin-sa’e, Família Salesiana, komunidade edukativa, sai ai-hun ne’ebé bele fó fuan iha moris lorloron.

Molok festa, iha fulan Marsu, molok “lock down” tanba “coronavirus”, komunidade Mazzarello no komunidade sira prepara tiha ona eventu ne’e ho foin-sa’e sira. Iha komunidade MM, sira hadi’ak jardín hodi uza botil plástiku, no hari’i asosiasuan foun hanaran “animadór/a Laudato Si’ nian”. Animadór/a sira-ne’e forma husi grupu estudante na’in 10, hamutuk ho Ir Jacinta Gusmão. Sira prepara manifestasaun sira hodi taka iha eskola nia, promove prátika atu la uza plástiku sira bainhira sosa sasán, nu’udar prátika iha Kuarezma no kontinua iha moris.

(Comsoc FMA TIN)