Baucau/Laga – Halo memoria buat ne’ebé furak no kmanek Na’i halo mai ita liuhusi madre Jerál, madre Yvonne R. nia prezensa inan nian iha Instituto Filhas de Maria Ausiliadora nian durante tinan 12 nia laran ho laran di’ak no hamnasa midar hodi gia no dezenvolve Instituto ho di’ak tuir karizma don Bosco no madre Mazzarello nian.

Ami komunidade Santa Teresa D’avila-Baucau nian, ho domin ami hakarak agradese no hakuak madre Yvonne doben liuhusi orasaun. Atu agradese madre ami preparasaun orasaun tridum nian hahú loron 23-25/2020, Irmá Josefa ho fuan no laran prepara didi’ak “Lectio Divina, Adorasaun Santissimu Eukaristia no orasaun sira seluk ba festa madre nian ne’e tuir tema ne’eb’e mak Ispettoria romanu, San Joaun Bosco fó “La tua vida é come un albero che porta frutto”.Maske loro ikus dia 25, ami tenke sai husi komunidadebatu ba iha komunidade Laga, maibé nu’udar komunidade ami mós agradese madre liuhusi Santa Eukaristia ne’ebé selebra husi Pe. Agnelo Eduardo Jeronimo Moreira. Hotu tiha misa ami konvida pe. Agnelo matabisu ho ami, hafoin matabisu hotu ami prepra sasan kedas atu sai husi komunidade atu mai komunidade Laga. Nune’e tuku 10 dadersan kareta husi Laga akompaña husi Ir. Anita Freitas to’o iha komunidade nune’e ami taka odamatan komunidade Santa Teresa Baucau nian hodi mai Laga. Ami-nia agradese kompleta ba madre Yvonne mak oferese ami-nia sakrifisiu no terus ne’ebé hadaet husi COVID-19, iha tinan 2020 ne’e nian.

      Esperiénsia Exodu ka esperiénsia irmã sira dahuluk hamutuk ho madre Mazzarello ne’ebé sai husi Mornese ba Nizza Monferatto sai ami-nia istória moris nian, tan ne’e tulun ami hodi sai ho ksolok maske balun sente todan maibé “obedence better than sacrifice”. Ami to’o iha komunidade Laga tuku 12.40. Agradese ba irmã Angelita Gomes no ninia komunidade no ho labarik oan ki’ak sira ne’ebé mak iha komunidade ne’e tan sira simu ami ho dansa no kanta liuliu ho fuan nakloke, sira simu iha komunidade ida ne’e. Iha lokraik komunidade rua hamutuk hodi agradese Madre Jerál liuhusi orasaun Vespras I, prepara husi Ispettoria romana, no ami agradese ba Ir. Lucia tan to’o mai nia fó nia tempu hodi traduz kedan ba lian tetun nune’e hothotu bele kompreende hodi harohan ho lian ida de’it. Nune’e mós agradese ba grupu liturjia komunidade Laga nian ne’ebé prepara di’ak no halo ami reza di’ak. No ohin loro 26, loron ne’ebé dedika ba festa agradesimentu madre Jerál, me. Yvonne nian, komunidade Laga no Baucau ho fuan nakonu ho agradesimentu hahí no agradese ba Na’i ba madre Jerál-nia domin tomak, liuhusi Santa Eukaristia ne’ebé selebra husi Pe. Rui Gomes, SDB. Durante Santa misa, Pe. Rui mós iha nia umilia nia subliña kona-ba akompañamentu madre Jerál nian durante tinan 12 nia laran, no nia dehan merese atu agradese nia ba nia domin tomak. Nune’e, maske dook no tasi fahe ita maibé ita hotu moris iha Astronomio ida nia okos, nune’e ami hakuak madre Yvonne liuhusi orasaun liuliu husi Santa Eukaristia, agradesimentu loos nian.

(Lucia Pereira FMA)