Fuiloro – Iha loron 25 Abril 2020, Molok atu tama ba festa Madre Jeral  nian, ami nia komunidade Beata Maddalena Morano Fuiloro iha lorokraik hahu ho orasaun husi Salmo ne’ebe foti reflesaun husi Don Marco Delflorio, SDB, Ne’ebe prepara husi Sentru iha ligasaun ho Tema ba Madre Jeral nian ne’ebe dehan: “ Ita boot nia moris mak aihun ida ne’ebe fo fuan, Obrigada Madre!

Husi reflesaun ne’ebe Irmã ida-idak fahe mak nafatin refere ba Salmo ne’ebe dehan : ”Nia ne’ebe hanesan ai-kudan ida besik ba be matan, ne’ebe fo fuan no tahan la namlaik no sei moris halo diak”

Hodi haree ba Simbolu ne’ebe foti ba Festa Agradesimentu Madre Jeral nian ne’e, hakarak fo hanoin mai ita katak Madre mak aihun ida ne’ebe hetan hun forte husi Maromak nia sabedoria matenek nian ne’ebe guia Istituto FMA no sai mos ponte ba Kreda ohin loron nian.

Iha loron 26 Abril 2020, hasae hahi no agradese ba Maromak, ba Prezensa Madre Yvonne Reungoat nudar Madre Jeral ba Filhas de Maria Auxiliadora iha mundo tomak liu husi Eukaristia Santa ne’ebe ohin ami selebra hamutuk iha ami nia komunidade Beata Maddalena Morano Fuiloro, ne’ebe preside husi Padre Venancio Freitas, Sdb. Agradese ba Madre nia SIM nudar inan ida ba Istituto FMA iha mundo tomak. Agradese Madre ba loron ohin nian… Grazie, Thank you, Gracias …. Obrigada,

(Ines Bartolo Freitas FMA)