Baucau –  Festa Santa Paskua ba oin maske iha komunidade irmã na’in 5 de’it. Agradese tebetebes ba padre Salezianu sira komunidade Baucau. La’os ba Festa Paskua ne’ebé ohin selebra ne’e de’it maibé iha semana santa tomak. Durante ne’e padre Benigno nu’udar ami-nia kapelaun, hodi tau-matan ba ami-nia vida espirituál liuliu sakramentu sira konfesa no Santa Eukaristia. Hodi ninia disponibilidade tomak ne’ebé fó tempu tomak nune’e iha Sabadu Aleluia  ami mós lakohi lakon, halo tuir loloos kedas ritu liturjia nian, nune’e leitura lee hotu, no irmã sira koko sira-nia lian hodi hananu salmu sira, maske lian ladun di’ak maibé hein katak iha Jezús-Nia resureisaun ne’e ami buka hodi fó gloria ba Nia. No ami mós prepara água-benta iha valde boot atu hotu tiha santa paskua tau iha boti lia água nian hodi fahe ba vizuñu sira ne’ebé mak laiha posibilidade ba misa santa Paskua nian.

Nune’e mós iha iha loron Domingu resureisaun nian mós komunidade mesak tan situasaun atuale ne’ebé ita hotu hatene hodi la inklui ema seluk. Maibé buat hotu la’o ho di’ak tuir liturjia, agradese ba pe. Benigno, SDB.

Boas festas ba hothotu. Na’i-Nia moris hias haraik grasa ksolok, esperán ba ita-nia komunidade ida-ida.

(Lucia Pereira)