Liturjia domingu ne’e nian konvida ita atu reflete kona-ba ita-nia prioridade sira, ita-nia valór sira ne’ebé sai fundamentu ba ita-nia ezisténsia. Ema sarani tenke harii ninia moris iha valór sira Jezús propoin.

Leitura dahuluk aprezenta mai ita ezemplu Salomão nian, liurai Israel nian. Nia mak protótipu ema “matenek” nian, ne’ebé konsege komprende no hili buat ne’ebé importante no la husik atu valór ne’ebé liu lais babeur nia.

Iha Evanjellu, hodi uza linguajen aikanoik nian, Jezús hameno ba ninia maktuir sira atu halo Maromak nia Reinu ninia prioridade fundamentál. Valór no interese sira seluk tenke liu ba planu daruak, iha “rikusoin” boot liu Reinu nia oin.

Leitura daruak konvida ita atu tuir Jezús nia dalan no proposta. Ne’e mak valór aas liu, ne’ebé tenke mai uluk valór no proposta sira seluk.

Download