Fuiloro, loron 07-08 Abril 2020, Sr. Assunta halo vizita online ho Irmán sira iha Komunidade Beata Maddalena Morano Fuiloro liu husi meius komunikasaun Online, tanba ho situasaun moras corona halo ema hotu tenke lackdown. Situasaun ne’e lahapara programa Sr. Assunta nia vizita kanonik ba  ami nia komunidade. Bele dehan katak atu hasoru Irmán ida-idak ne’e imposibel maibe ho meius komunikasaun online buat hotu bele deit. Loron dahuluk, 07 Abril hahu  Kolokiu ONLINE ho Irmán ida-idak. Espresaun forte liu ba ami mak lahasoru Sr. Assunta dereita, maibe liu husi meius komunikasaun ne’e ami bele fahe ami nia moris pesoal, komunidade e misaun ne’ebe ami moris dadaun iha tinan ne’e ho livremente. Nu’udar inan ida, nia rona tebes ami ida-idak, hodi fo korajen no konsellu diak ba ami atu moris ami nia identidade nudar Maria Auxiliadora nia oan Feto sira, ne’ebe simu kna’ar tau matan ba foinsae kiak sira ne’ebe Maromak entrega mai ami.

iha kalan tempu Boa noite nian, Sr. Assunta mos fahe pensamentu kona ba pratikamente ukun fuan 10 tuir nia reflesaun diak ba ami atu moris tuir.

Pensamentu 10 ne’e mak baze ida ne’ebe bele hafoun fila fali ami nia moris espiritual nian liu husi ema ida-idak nian moris ho mentalidade moris bain -bain nian hodi transforma an hodi moris nu’udar Maromak Oan lolos. Pensamentu 10 mak tuir mai ne’e:

1. Ita rona liafuan ne’ebe sai “halo hanesan nafatin deit” maibe ita ita aprende atu halo mudansa bebeik bai ta nia moris.
2. Nafatin lamenta, falta ema ruma …..maibe apresia ba don ne’ebe ema ida -idak simu hodi kompleta malu. (Kolaborasaun ba malu)
3. Fo tempu atu para oituan… fo espasu, hau koko atu halo buat ruma diak
4. Bainhira hau labele halo buat ida, tanba preokupasaun barak. Hau koko hau bele halo buat ruma.
5. Hanoin ladiak hodi dehan bebeik, “se mak halo ida ne’e” (la kondena ema seluk)
6. Halo buat ruma laho kondisaun maibe halo buat hotu ho domin, laos “Tenke”.
7. Hau lagosta ema ruma, ne’e projeta fali ba ita nia an.
8. Iha ema ruma lakonsege halo nia knar didiak, itanba ajuda ho Silensiu laos mur-mura.
9. Hateke ba ema seluk nia hanoin katak, hodi hare ba hau nia an katak Nai hanoin saida mai hau.
10. Lalakon esperansa… tanba Nai moris hias bai ta nia Salvasaun.

Iha loron 08 Abril, dadersan kontinua tan ho kolokiu ONLINE, iha lorokraik tuku 15:30, konferensia ikus ne’ebe Sr. Assunta fo ba ami kona ba “ Halao Esperensia Emaus nian iha Misa lor-loron. (Lukas 24.13-35)

Iha konferensia ne’e kolia kona ba Intrudusaun misa nian iha parte 4

• Ritu penitensial
• Liturjia Lia Fuan nian
• Liturjia Eukaristia
• Ritu sira taka nian

Ikus mai ami fahe  Maromak futar lia hodi hare fila fali ba elementu sira ne’ebe tulun ami atu hari komuniaun iha komunidade laran, hafoin taka ho orasaun agradese nian ba Aman Maromak iha Selebrasaun Eukaristia nia laran.

(Ines Bartolo Freitas)