“Ba ita sarani, iha ita-nia fiar entre Jezús nia mate no moris hi’as, iha sentru, iha Sabadu Santu. Sabádu silénsiu boot nian, Sábadu Maria nian, virjen fiél, inan domin nian. Nia hala’o ninia Sábadu Santu ho matan been, maibé mós ho kbiit fiar nian, hodi suporta eskolante sira nia esperansa, ne’ebé fraku.

Ita, Inan esperansa nian, tulun ami atu hateke ho pasiénsia no perseveransa istória nia sábadu ida ne’e, bainhira ema barak hetan tentasaun atu la fiar ba moris rohan laek no ba Na’i nia hiit An mai… ami-nia fiar ne’ebé fraku atu lee sinál sira husi Maromak nia prezensa iha istória, halo ami lakon pasiénsia no halai, hanesan eskolante na’in rua Emaus nian, ne’ebé maski iha sinál kona-ba Jezús Moris Hi’as, sira la iha kbiit atu hein eventu sira nia dezenvolvimentu no halai husi Jerusalém. Ami harohan, inan esperansa no pasiénsia nian: husu ba ita-nia Oan atu sadia ami no mai buka ami, maski ami halai no la iha pasiénsia, hanesan nia halo iha dalan Emaus nian. Harohan ba Nia atu, dala ida tan, Ninia Liafuan bele hamanas ami-nia laran”.

Card. Carlo Maria Martini

 

Iha Páskua ida ne’e, ne’ebé oin seluk liu, ita haka’as an atu banati tuir Na’in Feto nia sentimentu sira.

 

Sr. Alma