Dili – Komunidade balun iha Timór, husi loron 22 Juñu to’o 19 Jullu simu don menina volontária na’in tolu: Inés, Irene no Maria, dentista iha profisaun. Sira mai halo esperiénsia voluntariadu ba semana ruma hodi oferese sira-nia kompeténsia profisionál ba irmán sira, foin-sa’e no labarik sira ne’ebé presiza. Maski sira hela loron ruma de’it maibé intensidade misaun nian marka kle’ean sira-nia moris.

Molok sira fila ba España, sira hakerek hela surat ida dirije ne’ebé bele haree tuirmai ne’e:

«Irmán doben sira, aluna sira no belun sira:

Forma di’ak liu ne’ebé ami hetan atu esprime ami-nia ain-hakat liuhusi komunidade sira no ami-nia  esperiénsia iha Timór mak surat ida dirije ba imi hotu.

Husi momentu ne’ebé ami to’o iha ini-nia rai-nusa furak ne’e ami sente hanesnaiha uma rasik tanba imi-nia simun.

Komunidade iha Díli mak oázis ida iha sidade ne’e iha ne’ebé hamnasa-midar mak lian ofisiál, buat ida importante liu mós ba ami-nia profisaun.

Ami to’o iha Dili iha loron 22 Juñu atu hala’o servisu ida dentista sira-nian, maibé ami nunka hein katak ami sai husi ne’e simu barak liu fali ami konsege oferese ba imi.

Ho ami-nia pasajen husi komunidade sira Dili nian, Venilale nian, Laga nian no Fuiloro nian ami bele koñese ema estraordináriu no difisil atu haluha, fatin sira iha-ne’ebé jestu ida-idak mak jestu tomak domin no laran-luak nian, ba labarik oan sira, foin-sa’e sira, irmán sira… GRACIAS!

Ami fila ba España triste tanba husik hela imi ho ksolok no ho orgullu, la’ós tanba ami-nia misaun, maibé tanba misaun ne’ebé imi partilla ho ami, ho imi-nia dedikasaun ba ema seluk. Ami la hatene oinsá loos agradese imi hotu.

Imi hotu sei hela iha ami-nia orasaun, nafatin iha ami-nia fuan no iha ami-nia memória.

Beiju no hakohak wain, Inés, Irene no Maria (voluntária sira husi España).

Dili, 9 Jullu 2014».