Loron simu nian

Loron 13 de Março de 2020, Comunidade no Escola simu visita kanonika husi Me. Assunta nu’udar visitadora Geral FMA nian ba Inspetoria TIN no Inspetorial seluk tan. Madre sei hela ho ami durante loron 4 nia laran, hodi hare rasik moris realidade Comunidade no Misaun Eskola nian.

Iha visita espesial ida ne’e, Comunidade no escola simu iha parte rua (2); turno dader nian katak husi Pré-Escolar to’o 6ºano no turno lorokraik katak 7ºano to’o 9ºano. Iha Bemvindo dader nian Alunos sira simu ho tebe kultural Timor nian, kontinua ho lia fuan Bem-vinda no músika ne’ebé animada tebes iha gim Escola nian. Me. Assunta haksolok no apresia tebes ho asaun Bemvinda nian nebe ánimada no preparada tebes husi estudante sira. No Madre nia lia menon ba alunos sira, atu ho ksolok ne’ebé sira iha no ho koris oin-oin ne’ebé iha sira nia liman hatudu katak sira mak úniku no ho kaparasidade nebe lahanesan, nune’e buka atu aprende diak liu tan iha ambiente ida ne’e hodi halo moris sai furak liu tan. Remata tiha iha gim, Irmãs, Professores no Alunos balun akompanha Madre ba reza hamutuk iha Kapela. Hafoin eskola kontinua nia aktividade normal no Madre hahu nia visita iha Comunidade ho Irmã sira.

Iha lorokraik Madre mos admira tebes ho estudante sira nia presenza nebe simu Madre ho entusiasmo no ksolok bot, liu husi músika “Welcome to the family” ho Jestus no Dansa kakehe nebe animada tebes.

Iha Me. Assunta nia lia menon nia mensiona fali kona ba Estreia 2020 nian “Kristaun nebe diak no sidadaun nebe honestu” nune’e Madre mos sadik oituan alunos sira hodi fó perguntas: “Imi mai tinan barak ona iha eskola ida ne’e no imi sai bot, saida mak imi aprende iha eskola ida ne’e?” “Buat nebe ha’u aprende iha escola ida ne’e durante kiik to’o bot mak hatene atu respeita ba malu, professores no madre sira, aprende estuda didiak ba ha’u nia futuru no liu-liu hatene reza orasaun didiak ho brani no mental no diak ba hotu-hotu.” Ne’e mak hatan nebe estudante nain rua fó. Remata ne’e estudante sira kontinua ba aulas normal no Madre ho Irmã sira.

Misa Abertura Visita Me. Assunta nian iha Comunidade B.Eusebia Palomino

Visita Me. Assunta nian iha  Comunidade, loke ho misa iha loron ohin sábado, 14 de Março de 2020 iha Kapela uma nian, preside husi Pe. Cesar, SDB, nebe fó Bemvindo mos ba Madre “Mai iha ami nia rai timor, rai Salesiano; Dom Bosco no Madre Mazzarello nian mos. Kompara ho Maromak futar lia ohin nian; Ita iha Aman ida nebe diak liu, husi dok Nia haree ona… no hamrik halai ba hasoru… (Vigilância nafatin). Pontu importante mos katak ho Presenza Me. Assunta nian nu’udar presenza Maromak nian nebe ita hotu precisa nafatin.

Nune’e presiza liu-liu hakbesik-an ba Maromak atu rona no koalia, fahe esperiensia domin no ksolok moris konsagrada nian ba hotu nebe ita hasoru iha misaun.

Hahu loron ne’e Madre komesa nia visita hodi hasoru grupu kategorias oin-oin mak hanesan, enkontro ho: Irmãs Juniores Zona Dili, Presidente CAC nian, animadores, visita Oratório, ADMA, Professores no irmãs Komunidade nian.

Loron Agradecemento nian ba Me. Assunta nia visita

Iha tempu atu hasoru malu no iha tempu atu fahe malu, ne’e mak loron ikus visita Me. Assunta nian iha Escola EBC Maria Auxiliadora no Comunidade B’Eusebia Palomino, loron ne’e, 16 fulan Março 2020 alunos turno dader no lorokraik agradese Madre ho musika agradese nian no dansa kultural oin-oin husi klase ne’ebé prepara ona. “Iha Escola imi bele hasoru ema adulto sira ne’ebé ho karakter la hanesan, maibe sira ne’e mak Professores no Edukadores. Hateke ba sira imi bele hetan MODELO moris nudar ema ba imi nia futuru aban-bainrua atu sai oinsa?” “La to’o estuda atu sai matenenek maibe estuda atu aprende didiak oinsa sai sarani ne’ebé diak no sidadania ne’ebé honesto iha Maromak nia oin.” “Wainhira hanoin ba futuru, tenke hanoin serbisu oinsá ha’u moris no serbisu, tamba serbisu loron ida sei remata, no imi sei sai ferik no katuas maibe ita nia personalidade nafatin deit. Nune’e buka atu loke liu tan imi nia interese atu aprende didiak husi Professores no Irmãs sira.”

“Ha’u reza ba imi atu bele buras no boot iha sosiadade. Keta  haluha buat hotu ne’ebé aprende iha Eskola ne’e. Liu-liu respeita ema hotu-hotu no buka tulun nafatin maluk sira ne’ebé presiza liu.” “Buat hotu ne’e hahu moris agora kedas, lalika hein ba aban-bainrua.” Ne’e mak lia menon ne’ebé Madre husik hela iha nia lia agradese nian.

(Zelia Matos Lemos fma)