Dili – Ohin loron 5 fulan Marsu iha fatin novisadu Comoro, iha tuku 9 dader, Me. Assunta hasoru ami novisa sira hodi haklean fali “surat Madre Mazzarello nian ne’ebé nia hakerek ba novisa sira uluk nian,” ami simu surat ida-idak husi Madre hamutuk ho perguntas, hodi halo reflesaun pessoal no fahe iha grupu, elementu importante sira ne’ebé kona ami.

Molok Madre fahe nia hanoin sira mai ami iha oportunidade ida ne’e, uluk nanain nia hahu ho pergunta:“Saida mak moris konsagrada? Hafoin nia hatutan: “Moris konsagrada mak hanesan kalise ida ne’ebé konsagra de’it ba Maromak nune’e mós ita nia moris halo dalan atu oferese ita nia an nu’udar karan ida ba Na’i. Hodi liga fali ba surat Madre Mazzarello nian: atu hasa’e an nu’udar karan ne’ebe di’ak presiza vertude sira ‘haraik-an, aten brani, haksolok nafatin’, atu karan ne’e iha folin”.

Obrigada barak ba Madre nia prezensa, disponibilidade, domin no matenek ne’ebé fahe ho ami novisa sira ; atu bele haburas liu tan ami nia vokasaun iha Istitutu  FMA nian. Ho Madre nia liafuan hirak ne’e tulun ami atu kontinua la’o ba oin iha ami nia hilin no habo’ot ami nia domin ba karisma no halo ami livre atu esprime buat ne’ebé ami sente iha ami nia fuan, hodi hakas-an nafatin atu buka Maromak nia hakarak mai ami iha moris lor-loron.  Reza mai ami atu ami sai aten brani liu tan hodi hatan ho ksolok ba Maromak no sai laran manas lao ba oin iha dalan ne’ebe ami hili dadaun. Obrigada barak

(Novisa sira)