Roma (Itália). Publikasaun foun ida kona-ba Insitutu nia vida no realidade ohin-loron atu entrega daudaun ona ba komunidade inspetoriál sira. Kuaze hanesan ninia “karta identidade” nian ida”. Obra ida ne’ebé Madre no Konsellu jerál husu nu’udar prezente ba FMA sira, ba komunidade edukativa sira no ba belun sira iha okaziaun tinan 140 fundasaun Institutu  nian. Komisaun ida Perita sira-nian iha área istórika, pedagójika, saleziana mak organiza serbisu ne’e.
Volume ki’ik ida iha-ne’ebé “delinea trasu sira instituisaun ida nia oin nian, ne’ebé, husi 1872, dedika an atu hatán ba ba jerasaun foin-sa’e sira nia nesesidade edukasaun nian. Ohin-loron, iha nasaun barak, ne’e mak nesesidade ida ne’ebé nakfilak ba emerjénsia, hodi provoka Relijioza FMA sira atu oferese proposta edukativa integrál ida, ne’ebé inkultura, artikula no iha kbiit atu hatán ba nesesidade kontestu oioin nian iha ne’ebé irmán sira serbisu bá, iha nasaun 94 kontinente lima nian”, ne’e mak ita lee iha testu nia inísiu.

Nia soi pájina atus ida, riku ho foto no kór, ho liafuan natón no dokumenta didi’ak, tabela interesante ba leitura kontestuál atualidade nian. Obra ne’e maka rezultadu husi hanoin no hala’o hamutuk: atu halo ema koñese FMA sira nia esforsu atu bele horik iha dalan sira mundu nian, iha foin-sa’e sira nia sorin, forma sira nu’udar sarani di’ak no sidadaun onestu, “tau matan” ba sira iha kondivizaun solidária no atenta atu atua relasaun sira iha-ne’ebé simu diferensa sira nu’udar valór atu integra ho modu pozitivu.

Iha ninia aprezentasaun, Madre Yvonne Reungoat delinea testu nia artikulasaun hahú husi realidade Institutu nian ohin-loron  iha istória hodi aprezenta esperiénsia no realizasaun konkreta sira iha ambiente edukativu ruma, iha ótika internasionál no kulturál. Istória ida ne’ebé mai husi dook: nia lori ita bá fali Fundadór sira no karizma edukativu ne’ebé anima, bá fali Evanjellu rasik, baze inspirasaun nian ba sira. Testu ida ne’ebé dada ema atu hakarak “lee ho interese no ema barak bele hetan solisitasaun adekuada atu sai kolaboradór/a ba obra ida ne’ebé iha futuru liufali pasadu” .

Nia hakarak sai, anúnsiu ida esperansa no futuru nian: hatudu sai katak hamutuk ita hakarak komunika esperansa ba jerasaun foin-sa’e sira.  “Kreda no sosiedade nia futuru iha sira nia liman se edukadór no edukadora sira hatene akompaña sira, ho diskrisaun no sabedouria, iha dalan sira ne’ebé seidauk hatene, maibé riku ho Prezensa ida ne’ebé realiza sira nu’udar ema apaixonada sira, ho kbiit atu kolabora iha konstrusaun umanidade ida nian tuir Maromak nia projetu, ema ho kondisaun atu horik iha mundu, hodi halo nia sai furak liufali foin simu.